Die Suidelike Krapnewel (ook genoem WRAY 16-147 of Hen 2-104) is 'n planetêre newel in die sterrebeeld Sentour. Dit is 'n paar duisend ligjare van die Aarde af en sy sentrale ster is 'n simbiotiese Mira-veranderlike. Die newel word so genoem omdat dit baie soos die supernova-oorblyfsel Krap in die noordelike lug lyk.
Die Suidelike Krapnewel is in 'n katalogus van 1967 aangeteken, en ook in 1989 by die La Silla-sterrewag gesien.[2] Dit is in 1989 met verskeie filters waargeneem en het die mens se kennis oor die newel aansienlik uitgebrei.[2]
Foto's wat die Hubble-ruimteteleskoop in 1999 geneem het,[3] het baie meer inligting verskaf, soos dat daar 'n dubbelster in die middel van die newel is: 'n rooireus en 'n witdwerg. Hubble het dit 2019 weer met 'n nuwer instrument afgeneem.[4][5]
In 2008 is 'n ondersoek van die Suidelike Krapnewel met sy simbiotiese (sterrekundige term) ster gepubliseer.[6] In die ondersoek is foto's en spektroskopiese data van ruimte- én aardgebaseerde teleskope (onder meer van Hubble en die Baie Groot Teleskoop) gebruik.[6] Die ESO definieer 'n simbiotiese sterstelsel as 'n "dubbelster waar 'n klein, warm ster ('n witdwerg of hoofreeksster) om 'n rooireus wentel. Dié stelsels word dikwels deur gas of stof omring."[7]
Galery
-
Nabyskoot van die middel van die newel
-
Die hele Suidelike Krapnewel
-
Die newel op 18 April 2019
-
Die vorm van die newel, soos op 18 April 2019
Verwysings
Skakels
![Soos deur die Hubble-ruimteteleskoop afgeneem.[1]](http://upload.wikimedia.org/wikipedia/commons/thumb/9/90/The_Crab_of_the_Southern_Sky_Hen_2-104.tif/lossy-page1-264px-The_Crab_of_the_Southern_Sky_Hen_2-104.tif.jpg)
