Die Ram is een van die drie vuurtekens. Dis ’n manlike, positiewe, ekstroverte teken en is vergelykbaar met die Draak van die Chinese Diereriem.[1] Die tradisionele heerser van die Ram is Mars.
Ramme kom volgens die astrologie goed oor die weg met Leeus en Boogskutters.
Agtergrond
Jou son- of sterreteken het betrekking op die stand van die Son tydens jou geboorte. Astroloë verdeel die Diereriem, die denkbeeldige gordel aan die hemelruim waarlangs die planete beweeg, in twaalf dele: die son- of sterretekens. Die "sterrebeelde" is eintlik die astronomiese konstellasies aan die hemelruim en kom weens die presessie van die nageweningspunte nie meer ooreen met die twaalf tekens wat in die astrologie gebruik word nie.
