Die Nasionale Bontebokpark is in 1931 geproklameer om die vinnigkwynende aantal (van 30) bontebokke in Suid-Afrika van uitwissing te probeer red. Die park is aanvanklik naby Bredasdorp aangelê, maar weens aanpassingsprobleme wat die bontebokke ondervind het, is die park later na sy huidige ligging naby Swellendam verskuif. Vandag word 'n paar honderd bontebokke in die 3 500 hektaar park aangetref. Ander groot soogdiere in die park sluit in Kaapse bergkwaggas, Kaapse grysbokke en rooihartbeeste. Die park grens aan die Breederivier.
Fotogalery
Bron
- Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.
