PROFILBARU.COM

Europese wielewaal
	'n Mannetjie in Frankryk
	Sang en roepe in Rusland
Bewaringstatus
	; Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Oriolidae
Genus:	Oriolus
Spesie:	O. oriolus
Binomiale naam
	Oriolus oriolus; (Linnaeus, 1758)
	broeigebied (boreale somer) nie-broeigebied (australe somer)

Die Europese wielewaal is 'n groterige sangvoël wat in Eurasië broei, en in Afrika suid van die Sahara oorwinter. In Suider-Afrika kom hulle ylverspreid as enkelinge voor. In Engels staan dit as die European golden oriole bekend.

Identifikasie

Die voël is 24 cm (22-25 cm) in lengte. Die mannetjie se swart vlerke onderskei hom van die Afrikaanse wielewaal se mannetjie; die wyfies en jonges lyk eenders. Daar is altyd meer wyfies en jonges as mannetjies.

Gedrag

Dit voed op groot ongewerweldes (insekte en hul larwes) en sappige bessies en vrugte. Hulle bou hul neste hoog in boomtoppe.

Habitat

In Afrika hou hulle een-een in breëblaar-boomveld, gemengde bosveld, oewerbos en verskeie ander digbeboste habitats, insluitend aanplantings van uitheemse bome. In Eurasië bewoon hulle oop bladwisselende woude en mosaïekhabitatte in vlaktes en heuwels, boorde, tuine en parke. Die Europese bevolking toon 'n effense afname. In Serwië waar die bevolking aan die afneem is, is die getal broeipare op 80 000 tot 120 000 geraam. (Puzović et al 2003)

Verspreiding

Die spesie kom ylverspreid oor groot dele van die Suider-Afrikaanse binneland voor. In die broeityd word dit wydverspreid in die grootste deel van Europa en Klein-Asië gevind, met die uitsondering van die Skandinawiese Skiereiland en die Britse Eilande. Dit is ook in dele van die Midde-Ooste, Sentraal-Asië en Noordwes-Afrika aanwesig.