Alwyn Schlebusch (1917–2008) was 'n Suid-Afrikaanse politikus en staatsman wat verskeie hoë poste beklee het. Van 1 Januarie 1981 tot 14 September 1984 was hy die adjunk-staatspresident van Suid-Afrika, die enigste persoon tot hede wat die titel gedra het.[1]
Beknopte biografie
Alwyn Louis Schlebusch is op 16 September 1917 in Lady Grey in die Oos-Kaap in 'n Afrikaanse huis gebore. Hy begin sy skoolloopbaan in 1934 aan die Sentrale Volkskool in Kroonstad en matrikuleer later aan die Hoërskool Kroonstad.
Schlebusch begin sy politieke loopbaan in die 1940's as burgemeester van Hennenman. In 1961 het hy 'n lid van die provinsiale raad vir Kroonstad-Suid geword. 'n Jaar later, in 1962, is hy as volksraadslid vir Kroonstad gekies, 'n posisie wat hy vir 18 jaar lank beklee het. Hy het ook as voorsitter van die Schlebuschkommissie gedien, wat buitelandse befondsing aan anti-apartheidsorganisasies ondersoek het.[2]
Op 2 Augustus 1974 word Schlebusch tot speaker van die Volksraad verkies. Hy bedank op 25 Januarie 1976 om die minister van openbare werke en immigrasie te word. In 1979 was hy die minister van justisie en binnelandse sake gewees. Tussen 1980 en 1984 was hy die adjunkpresident van Suid-Afrika.
Schlebusch is in 1985 as kanselier van die Universiteit van Pretoria ingehuldig.[3] Die Universiteit van Stellenbosch het 'n eredoktorsgraad aan hom toegeken vir sy werk as voorsitter van die grondwetkommissie.
Sy eerste vrou, Isabel, was die stigter van die Toktokkie-kankerbeweging. Sy is in Oktober 1996 oorlede. Hy is daarna met Jeanette Rouen getroud,[4] maar sy is twee jaar voor sy afsterwe oorlede.
Schlebusch is op 7 Januarie 2008 op 90-jarige ouderdom in die Pretoria-Oos-hospitaal oorlede. Hy is aanvanklik vir 'n maagprobleem opgeneem, maar is later aan longontsteking dood. Hy laat 'n seun, twee dogters asook 14 kleinkinders en vyf agterkleinkinders agter.[5]
Verwysings
Eksterne skakels
|
|---|
Speakers van die Kaapse Huis
van Verteenwoordiging (1854-1910) | |
|---|
| Speakers van die Volksraad (1910-1994) | |
|---|
Speakers van die Nasionale
Vergadering (1994-huidig) | |
|---|
|
|---|
| 1910 tot 1984 | |
|---|
| 1984 tot 1994 | |
|---|
| 1994 tot huidig | |
|---|
