Andorra, officieel 't Prinsdom Andorra (Cataloans: Principat d'Andorra), is en ingeslootn dwergstoat in 't zuudwestn van Europa, in d' ôostelyke Pyreneeën en begrensd deur Vrankryk en Spanje. D' officiële toale is Cataloans, moa der wordt ook vele Spoans, Portugees en Frans geklapt. D' hoofdstad en grotste stad is Andorra la Vella. Andere grôote steedn zyn Escaldes-Engordany en Encamp.
Zicht ip Andorra la Vella
Andorra is e monarchie mè twi co-prinsn an 't hoofd, de Spoanschn biskop van Urgell en de President van Frankryk. 't Is e ryk land da surtout leeft van tourisme en van zyn prestige van belastiengsparadys. 't Is gin lid van d' Europeesche Unie moa der wordt wel betoald met den Euro.
Madriu-Claror-Perafitavalleie, e bergachtig gebied mè vele yzige landschappn, klippn en gletsjers. Der zyn ook plekkn woar dan d' inweuners nog assan leevn volgens de traditionele maniere van weunn in de bergn.