45°38′10″N 13°48′15″E45°38′10″N, 13°48′15″E (Friułi-Venesia Julia)
El Friul-Venesia Julia o Friułi-Venèsia Jùlia (in furlan Friûl-Vignesie Julie, in sloven Furlanija-Julijska krajina, in tedesco Friaul-Julisch Venetien) el xe na rejon de l'Italia Nord-Orientałe[2]. El confina al est co ła Slovenia (Alta Carniola[3], Gorisian[4] e co el Litorale[5]), al nord co l'Austria (Carinsia), al ovest co el Veneto, al sud el xe bagnà dal Mar Adriatico.
El ga un area de sirca 7 845 km² El Friul-Venesia Julia el conprende na xona da montagna a nord e est, ocupada da łe Alpi Carniche, e da łe Alpi Giulie, e una de pianura a ovest e sud ocupada da ła Pianura Veneto-Furlana.
El Friul-Venesia Julia el xe na rejon creada a tavołin inte i ani del dopoguera; dopo el pasajo definitivo de Trieste a l'Italia (suceso apena ne el ano 1954), ła cità ła jera stata privada de tuto el so entrotera e ła Venesia Jiulia ła jera ormai quasi del tuto soto ła Jugoslavia; par sto motivo xe stà deciso de unir Trieste al Friul, dàndog a ła nova rejon na serta autonomia, anca parché ła jera ła parte piú meridionałe de ła famosa Cortina de fero.
La xe formada dal Friul[7], e da ła Venesia Julia[8], separade fisicamente dal fiume Isonzo. Inte ła banda oriental de ła rejon, al confine co ła Slovenia se cata el teritorio de ła Schiavonia Veneta, indove łi abitanti łi parla in sloven.
I ghe vive sirca sirca 1,2 milion de aneme.
El Friul-Venesia Julia el xe na rejon otonoma col statuto speciałe, co capitàl Trieste.
Ła conprende łe province de Gorissia, Pordenon, Trieste e Udine.
Łe sità prinsipałi łe xe Trieste, Udine, Pordenon, Gorissia, e Monfalcon.
Altri progetti