Владимир Виноградов (1882)

Владимир Виноградов
Туган	12 (24) март 1882 Елетс, Орёл губернасы, Россия империясе[1]
Үлгән	29 июль 1964(1964-07-29)[1] (82 яшь) Мәскәү, РСФСР, СССР[1]
Күмү урыны	Новодевичье зираты^[d]
Ватандашлыгы	Россия империясе  СССР
Әлма-матер	Мәскәү дәүләт университеты һәм Мәскәү университетының медицина факультеты^[d]
Һөнәре	галим
Эш бирүче	Беренче Мәскәү медицина университеты^[d]
Гыйльми дәрәҗә:	медицина фәннәре докторы^[d]
Владимир Виноградов Викиҗыентыкта

Виноградов Владимир Никитич (12 март (24 март) 1882 ел, Елец — 29 июль 1964 ел, Мәскәү) — галим-терапевт, кардиолог. ССРБ Медицина фәннәре академиясе академигы (1944), РСФСРның атказанган фән эшлеклесе (1940), Социалистик Хезмәт Герое (1957). Иосиф Сталинны дәвалаучы табиб.

Биографиясе

Владимир Никитич Виноградов тимер юл хезмәткәре гаиләсендә туган. Башта кала реаль училищесын, аннары — Беренче Харьков гимназиясен тәмамлый^[2].

1907 елда Мәскәү университетының медицина факультетын тәмамлый. 3-нче курс студенты булганда, үз теләге белән фельдшер булып рус-япон сугышына китә; күрсәткән батырлыгы өчен 4-нче дәрәҗә Георгий тәресе белән бүләкләнә.

Ординатор, аннары факультет терапиясе кафедрасында ассистент.

1929-1931 елларда 1нче Мәскәү медицина институтының пропедевтик терапия кафедрасы мөдире була.

1935-1942 елларда — 2-нче Мәскәү медицина институтының факультет терапиясе кафедрасы мөдире. 1943 елның 1 гыйнварыннан 1-нче Мәскәү медицина институтының факультет терапиясе кафедрасы мөдире. Клиникада аның җитәкчелегендә кардиоревматология кабинеты (1958), СССР Медицина фәннәре академиясенең электрофизиология лабораториясе (1946), миокард инфаркты белән авыручыларны дәвалау өчен илдә тәүге махсус бүлекчә, (1961), йөрәк-кан тамыры системасын функциональ диагностикалау кабинеты (1964) оештырыла; гастроскопия, бронхоскопия, электрокимография, радиоизотоплы диагностикалау, йөрәкне катетерлау, векторэлектрокардиография клиник практикага кертелә.

1952 елның ноябрендә табиблар эше буенча кулга алына, 1953 елның 4 апреленә кадәр төрмәдә була. А. А. Ждановны үтерүдә, америка разведкасына шымчылык итүдә һәм башка җинаятьләрдә гаепләнә^[3].

Иң эшлекле терапевтик конференцияләр һәм съездлар оештыручыларның берсе була; Бөтен Союз терапевтик җәмгыяте (1949-1964) һәм Мәскәү терапевтик җәмгыяте рәисе (1945-1953, 1957-1964), «Терапевтический архив» журналы редакторы була (1943-1964).

1934 елдан СССР сәламәтлек саклау министрлыгы консультанты, 1943 елдан — Кремль Дәвалау-санитар идарәлегенең баш терапевты була. 1940-елларда совет лидерларының һәм шәхсән Сталинның дәвалаучы табибы була^[4].

Мәскәүдә Новодевичье зыяратында җирләнгән (3 урын).

Фәнни эшчәнлеге

Төп хезмәтләре яман шешне, бөер һәм үпкә туберкулезын иртә диагностикалауга, эчке авырулар клиникасында сепсис проблемасына, аш сеңдерү органнары чирләренә багышланган. 1925 елда «Изменения почек при туберкулёзе лёгких» темасына докторлык диссертациясе яклый.

Гаиләсе

Беренче хатыны — Виноградова (кыз фамилиясе Гонтарева) Мария Викторовна (1888-1952). Бу никахтан уллары:

• Георгий — галим-химик,
• Владимир — галим-медик.

Икенче хатыны — Виноградова (кыз фамилиясе Делос) Ольга Федоровна (1903-1995)^[5].

Мактаулы исемнәре һәм башка бүләкләре

• 4-нче дәрәҗә Георгий тәресе
• РСФСРның атказанган фән эшлеклесе (1940)
• Социалистик Хезмәт Герое
• «Урак һәм Чүкеч» медале (1957)
• биш Ленин ордены
• Хезмәт Кызыл Байрак ордены
• медальләр
• СССР Дәүләт премиясе (1969, үлгәннән соң — миокард инфаркты белән авыручыларны нәтиҗәле диагностикалаганы һәм дәвалауны оештырган өчен)

Хәтер

Почтовый конверт. СССР, 1982 год

— 1964 елда И. М. Сеченов исемендәге Мәскәү медицина институтының факультет терапевтик клиникасына В.Н.Виноградов исеме бирелә.

Искәрмәләр

1. Виноградов Владимир Никитич // Большая советская энциклопедия: [в 30 т.] / мөхәррир А. М. Прохорова — 3-е изд. — Москва: Советская энциклопедия, 1969.
   https://wikidata.org/wiki/Track:Q17378135https://wikidata.org/wiki/Track:Q649https://wikidata.org/wiki/Track:Q5061737
2. В Списке воспитанников, окончивших курс в Первой Харьковской гимназии за столетний период её существования (Харьков, 1903) в выпуске 1900 года указан Виноградов, Владимир Никитич.
3. Государственный антисемитизм в СССР: от начала до кульминации, 1938—1953 / сост. Г. В. Костырченко; под ред. А. Н. Яковлева. — М.: Материк, 2005. — 590 с. — (Россия. XX век. Документы / Междунар. фонд «Демократия» (Фонд Александра Н. Яковлева)). — ISBN 5-85646-114-2.
4. {{{башлык}}} // Хамовники : газета. — № 22. Архивировано из первоисточника 24 апрель 2012.
5. Виноградов Владимир Никитич. әлеге чыганактан 2020-06-09 архивланды. 2021-09-20 тикшерелгән.

Әдәбият

• Владимир Страленбергның ВИНОГРАДОВ // Зур Медицина Энциклопедиясе (БМЭ), б. в редакциясе астында Петровское, 3 издание
• Владимир Страленберг Виноградов // Клиник медицинасы. — 1957. — К. 35, № 4.
• Владимир Страленберг Виноградов : [Некролог] // Клиник медицинасы. — 1964. — № 10.

Сылтамалар

• {{{башлык}}} // Большая биографическая энциклопедия.
• Виноградов Владимир Никитич (неопр.). Первый МГМ в лицах. ГОУ ВПО ММА им. И. М. Сеченова Росздрава. Дата обращения 27 ноября 2012.
• Владимир Никитич Виноградов (неопр.). VIII Национальный конгресс терапевты. Дата обращения 27 ноября 2012. Архивировано 10 декабря 2012 года.