Бөтенрусия мөселманнарының милли шурасы

Бөтенрусия мөселманнарының милли шурасы
Басма орган	Корылтай һәм Алтай
Дәүләт	Россия республикасы^[d]  РСФСР^[d]

Бөтенрусия мөселманнарының милли шурасы (Милли Шура) - Россия мөселманнарының ижтимагый-сәяси оешмасы (1917-18, Петроград).

Югары идарәче органы — Мөселманнар башкарма комитеты, басма органы - «Известия Всероссийского мусульманского совета» гәҗите булган.

Максаты

Мөселманнарның сәяси һәм иҗтимагый-мәдәни тормышына җитәкчелек итү, Россиянең булачак Оештыручылар мәҗлесенә мөселман вәкилләрен сайлау эшен оештыру һәм башка бурычлар куйган.

Тарихы

• 1917 елның маенда Бөтенрусия мөселманнарының беренче корылтае карары нигезендә оештырыла.
• Башкарма комитеты әгъзалары июльдә Казанда үтәчәк Бөтенрусия мөселманнарының икенче корылтаен әзерли, соңрак Русиянең Ауропа өлеше һәм Себер төрки-татар мөселманнарының милли-мәдәни автономиясе эшчәнлеген алга сөрәчәк парламенты Милләт Мәҗлесе һәм аның башкарма органы Милли Идарәне булдыруда катнаша.
• 1918 елның маенда Совет хакимияте тарафыннан тыела.

Мөселманнар башкарма комитеты

• Рәисе — Әхмәт Цаликов
• әгъзалары — Фатыйх Кәрими, Ибраһим Әхтәмов, Заһит Шамил, Муса Бигиев, Ильяс Алкин, Мостафа Төмәнев, Шакир Мөхәммәтъяров, Садри Максуди, Гаяз Исхакый (Идел буе һәм Себердән), Гобәйдулла Хуҗаев, Әхмәтзәки Вәлиди; Күлбай Түгешев, Ибраһим Җайнаков, Кокынбай Габделхаликов, Камалетдин Рахманбирдеев, Солтан Урманбиев (Төркистаннан), Корбангали Кошугылов, Колмөхәммәт Уразаев, Җиһанша Дусмөхәммәтев, Вәлитхан Таначев, Аккәгазь Дусҗанова (Казакстаннан), Исмәгыйль Леманов, Хөсәен Боданинский (Кырымнан).^[1]

Искәрмәләр

1. http://www.archive.gov.tatarstan.ru/magazine/go/anonymous/main/?path=mg:/numbers/2002_3_4/03/03_4/(үле сылтама)

Сылтамалар

Шулай ук карагыз

• Известия Временного центрального бюро российских мусульман (гәҗит)
• Бөтенрусия мөселманнарының беренче корылтае
• Бөтенрусия мөселман руханилары корылтае
• Бөтенрусия мөселманнарының икенче корылтае