Ang "Type Dangerous" (lit. na'Tipong Mapanganib') ay isang kanta ng Amerikanang mang-aawit at manunulat ng kanta na si Mariah Carey. Inilabas ito noong Hunyo 6, 2025, bilang pangunahing single mula sa kanyang paparating na ikalabing-anim na album sa estudyo, Here for It All (2025), sa pamamagitan ng Gamma. Isinulat at ipinrodyus ni Carey ang single kasama sina Anderson .Paak, NWi, at Daniel Moore. Gumamit ang kanta ng sampol mula sa kantang 'Eric B. Is President' nina Eric B. & Rakim noong 1987.
Ang "Type Dangerous" ay isang kantang hip hop soul at R&B na may mga elementong soul at pop, na may pundasyong new jack swing at produksiyong patambulin. Ineeksplor ng mga liriko nito ang pang-akit sa isang taong maaaring mapanganib, at inilarawan ni Carey ang kanta bilang simula ng isang bagong malikhaing kabanata.
Sanligan at paglabas
Noong Hunyo 3, 2025, unang ipinahiwatig ang "Type Dangerous" sa isang maikling bidyo sa hatirang pangmadla ni Carey, kung saan pinakinggan niya ang isang kantang may label na "T:D_MC16.mp3" habang nakaupo sa isang kotse na may plakang may nakasulat na "MC16", na nag-udyok ng espekulasyon tungkol sa kanyang ika-labing-anim na album sa estudyo.[1][2] Inanunsiyo ang single na pinamagatang "Type Dangerous" at nakatakdang ipalabas tatlong araw pagkatapos noong Hunyo 6.[3]
Sa isang pahayag sa midya, nagpahayag si Carey ng pananabik para sa pagpapalabas, tinawag itong simula ng isang bagong kabanata, at binanggit na gumugol siya ng makabuluhang oras sa studio sa paglikha ng bagong materyal.[4] Minarkahan ng single ang unang pangunahing solong paglabas ni Carey mula sa "In the Mix" noong 2019,[5] kasunod ng kanyang album noong 2018 na Caution,[6][7] at ng isang panahong nakatuon sa mga pana-panahong promosyon at mga edisyong pang-anibersaryo ng kanyang naunang likha, kabilang na ang isang kamakailang pinalawig na muling paglalathala ng The Emancipation of Mimi, na inilabas ilang linggo bago, noong Mayo 2025, upang ipagdiwang ang ika-20 anibersaryo ng album.[8][9][10]
Komposisyon
Ang "Type Dangerous" ay isang awiting R&B na nagsasampol ng klasiko ng hip hop noong 1987 na "Eric B. Is President" nina Eric B. & Rakim, na pinaparesan ng ikonikong grubo sa patambuling produksiyon na pinaghalo ang mga elemento ng new jack swing, soul at pop.[11] Kumpiyansang umaandap ang hip hop soul na awitin habang ipinahahayag ni Carey ang kanyang pagkahumaling sa isang taong maaaring magdulot ng problema, ngunit siya ang uri ng problema na handa niyang yakapin.[12][10][13][14]
Sa mga liriko, binabanggit ng kanta na wala nang oras si Carey para sa 'inggitera' o sa 'kaek-ekan'. Inilalarawan din ang pakiramdam niyang kailangan niya ng isang partikular na uri ng kapareha na kayang makipagsabayan sa kanya, posibleng isang taong may mapanganib na dating.[15]
Bidyong pangmusika
Idinirek ang bidyong pangmusika ng kanta ni Joseph Kahn at nakatakdang ipalabas noong Hunyo 13.[16][17] Bago ang paglalabas, inihayag ni Kahn ang isang "sorpresang makabagbag-lupa" sa bidyo.[18] Kalaunan, naantala ito ng isang araw para sa layuning pang-edit at inilabas noong Hunyo 14.[19]
Itinatampok sa bidyo si Carey na “dumaraan sa sunod-sunod na mga batselor at tinatanggihan sila isa-isa” sa pitong magkakaibang eksena, at may tampok na paglabas ang Amerikanong YouTuber na si MrBeast.[19] Tinatanggihan ni Carey ang mga iba't ibang "tipo" ng lalaki kabilang sina G. Manlalaro (Mr. Player), G. Delikado (Mr. Danger), G. Taksil (Mr. Traitor), G. Karerista (Mr. Racer), G. Tagatulak (Mr. Dealer), at Mr. Beast, at pinapawala niya silang lahat.[20] Naglalaman ang bidyo ng CGI at mga eksenang aksiyon, at tampok din dito ang mga marangyang elektronikong sasakyan ng Faraday Future.[21]
Mga pagtatanghal
Noong Hunyo 9, 2025, unang itinanghal ni Carey ang "Type Dangerous" sa BET Awards 2025 bilang bahagi ng isang medli kasama ang "It's Like That". Kasama niya sa entablado sina Rakim (na ang kanta na "Eric B. Is President" ay ginamit bilang sampol sa track) at Anderson .Paak na tumugtog ng tambol.[22] Isinama rin ang "Type Dangerous" sa set ni Carey sa Summertime Ball ng Capital sa Istadyum ng Wembley noong Hunyo 15, 2025.[23]
Komersiyal na pagtamo
Sa Estados Unidos, nagdebu ang "Type Dangerous" sa ika-95 puwesto sa Billboard Hot 100, at naging ika-50 kanta ni Carey sa nasabing tsart. Ito rin ang unang bago niyang entrada mula sa remix ng "Oh Santa!" kasama sina Jennifer Hudson at Ariana Grande noong 2020, ang una niyang di-pampaskong entrada mula sa "I Don't" kasama si YG noong 2017, at unang solong single niya sa loob ng sampung taon mula sa "Infinity" noong 2015. Umabot din ang awitin sa ika-24 puwesto sa tsart ng US Hot R&B/Hip-Hop Songs.[24]
Ang "Type Dangerous" ay naging pinakamatagumpay na single ni Carey sa mga istasyon ng radyo sa Amerika sa loob ng mahigit isang dekada. Ito ang kanyang kantang may pinakamataas na puwesto sa hot adult contemporary format mula noong 'We Belong Together' noong 2005,[25] sa tsart ng R&B/Hip-Hop Airplay mula noong 'Touch My Body' noong 2008,[26] at sa rhythmic contemporary at pop radio simula noong '#Beautiful' noong 2013.[27][25][28]
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
Responsible use. Any risk arising from the use of information from this website is entirely the responsibility of the user.