Quora

Ang Quora ( ko-ra ) ay isang websayt kung saan maaaring magtanong, magsagot, sumabaybay, at mag-edit ang mga tagagamit. Kadalasang naglalaman ito ng mga paksang

Quora
Quora, Inc.
Uri ng negosyoKorporasyon
pribadong kompanya Edit this on Wikidata
Mga wikang mayroonArabe
Bengali
Danes
Olandes
Ingles
Pinlandes
Pranses
Aleman
Guharati
Ebreo
Hindi
Indonesian
Italyano
Hapones
Kannada
Malayalam
Marathi
Noruwego
Polako
Portuges
Espanyol
Suweko
Tamil
Telugu[1]
Itinatag21 Hunyo 2010
25 Hunyo 2009 Edit this on Wikidata
Punong tanggapan
650 Castro Street, Suite 450, Mountain View, California 94041, United States
,
Mountain View
,
Estados Unidos
Bansang pinagmulanEstados Unidos
Kita$20 milyon(2018)[2]
Bilang ng mga empleyado200
URLquora.com
PagrehistroOpsiyonal/Kailangan, maaaring magtanong at magsulat nang hindi kilala
Kasalukuyang kalagayanAktibo

Ang Quora ( ko-ra ) ay isang websayt kung saan maaaring magtanong, magsagot, sumabaybay, at mag-edit ang mga tagagamit. Kadalasang naglalaman ito ng mga paksang ukol sa katotohanan o sa anyo ng mga opinyon. Ang may-ari nito, Quora Inc., ay nakabase sa Mountain View, California, Estados Unidos .[3]

Ang kumpanya ay itinatag noong Hunyo 2009, at ang websayt ay isinapubliko noong Hunyo 21, 2010.[4] Ang mga gumagamit ay maaaring makipagtulungan sa pamamagitan ng pag-edit ng mga katanungan at pagmumungkahi sa mga sagot na naisumite ng iba pang mga gumagamit.[5]

Noong 2020, ang websayt ay binisita ng tinatayang 590 milyong mga magkakaibang indibidwal bawat buwan.[6]

Kasaysayan

Adam D'Angelo, kinuhanan noong 2011
Charlie Cheever, kinuhanan noong 2009

Magkasamang empleyado ng Facebook sina Adam D'Angelo at Charlie Cheever na nagtaguyod sa Quora noong Hunyo 2009. Sabi ni Cheever tungkol sa pamimili ng pangalang orihinal, unang ginamit ang "quorum" o pagsasama-samang pampubliko. Isinulat daw nila ang mga ideyang napag-isipan hanggang sa nakakuha sila ng 5 o 6 na mga kandidato. Ang pinakamalapit na sana sa halip na "Quora" ay "Quiver" ngunit ginamit na lang ang naunang "Quora".[7]

Ang plataporma ng Quora ay lumago nang mabilis noon pang 2010.[8] Simula noong Abril 2017, sinabi ng Quora na nagkaroon ng 190 milyong buwanang mga natatanging bisita, mula sa 100 milyong mga tagagamit makalipas lamang ng isang taon.[9]

2010–2013: Maagang paglaki

Noong 2011 ng Hunyo, ibinago ng Quora ang paraang paggamit ng kanilang websayt. Nakalathala sila ng opisyal na app sa iPhone noong ika-29 ng Setyembre, 2011, at isang app pang-Android noong ika-5 ng Setyembre, 2012.

Noong Setyembre ng 2012 inanunsiyo ng Quora na iiwanin ni Charlie Cheever ang kaiyang puwesto sa kompanya, ngunit mananatili siya bilang tagagabay.[10]

Noong Enero ng 2013, inilunsad ng Quora ang blogging platform upang makapaglathala ang mga tagagamit sa kanilang mga profile, kahit na hindi ito pansagot.[11]

Inilunsad ng Quora ang opsyon para sa pambuong paghahanap sa teksto (full-text search) ng mga katanungan at kasagutan sa websayt noong Marso 20, 2013[12] at idinagdag ito sa mga kagamitang mobile noong kahulihan ng Mayo 2013.[13] Inihayag din noong Mayo 2013 na ang kabuuang bilang ng gumagamit nito ay nagdoble kumpara sa parehong panahon noong nakaraang taon.[14] Noong Nobyembre 2013, ipinakilala ng Quora ang isang tampok na tinatawag na "Stats" upang payagan ang lahat ng mga gumagamit ng Quora na makita ang buod at detalyadong mga istatistika tungkol sa kung gaano karaming mga tao ang tumungo, bumoto, at nagbahagi ng kanilang mga katanungan at sagot.[15][16] Iniulat ng TechCrunch na, kahit na walang agarang pagpaplano ang Quora para sa pinagkukunan ng kita, naniniwala sila na ang mga search ad ay maaaring makatulong sa kanilang mga mapagkukunan sa kalaunan.[17]

2014–2017: Patuloy na paglaki at mga pagdaragdag

Pagtaas ng mga bilang ng paghahanap ng Quora sa Google Search sa loob ng 5 taon

Ang Quora ay umuusbong sa "isang mas organisadong Yahoo Answers, isang klaseng Reddit, isang mapagpalagay na Wikipedia" at naging tanyag sa mga teknikal na pangkat.[18] Noong Abril 2014, nakalikom ang Quora ng $ 80 milyon mula sa Tiger Global sa isang naiulat na halagang $ 900 milyon.[19][20]

Noong Marso 2016, napasakamay ng Quora ang websayt na Parlio.[21]

Noong Abril 2016, sinimulan ng Quora ang isang limitadong paglulunsad ng mga anunsiyong pampatalastas sa websayt.[22] Sa susunod na ilang mga taon, unti-unting nagsimulang magpakita ng higit pang mga ad ang websayt, ngunit pinapanatili pa rin ang mga pagsisikap na limitahan ang bilang ng mga ad at ipakita ang mga ito na nauugnay sa mga tagagamit.[23]

Noong Oktubre 2016, inilunsad ng Quora ang isang bersyon sa Espanyol ng websayt sa publiko;[24] noong unang bahagi ng 2017, isang bersyong beta sa Pranses ang inihayag. [25] Noong Mayo 2017, ipinakilala ang mga beta na bersyon sa Aleman at Italyano. [26] Noong Setyembre 2017, isang beta na bersyon sa Hapones ang inilunsad.[27] Noong Abril 2018, ang mga bersyong beta sa Hindi, Portuges, at Indones ay inilunsad.[28] Noong Setyembre 2018, inihayag ng Quora ang mga karagdagang bersyon sa Bengali, Marathi, Tamil, Telugu, Finlandes, Noruwego, Suweko, at Olandes ay susunod.[29]

Noong Pebrero 9, 2017, inanunsyo ng Quora ang mga pagbabago sa kanilang tampok na "anonymity feature", na naghihiwalay sa mga katanungan at mga pagbabagong patago mula sa mga orihinal na akawnt na kaakibat nito. Dahil dito, ang mga ibang tagagamit ay hindi maaaring makahanap sa mga tunay na akawnt na naglathala sa mga pagbabago o katanungang ginawa.[30]

Noong Abril 2017, sinabi ng Quora na mayroong 190 milyong mga buwanang natatanging mga bisita, mula sa 100 milyon noong nakaraang taon. Sa parehong buwan na iyon, iniulat ng Quora na nakatanggap sila ng pagpopondo na may tinatayang $ 1.8 bilyon.[31]

2018–ngayon: Maunlad na paglago at karagdagang isyu

Noong Setyembre 2018, iniulat ng Quora na tumatanggap ito ng 300 milyong natatanging mga bisita bawat buwan. Sa kabila ng malaking bilang ng mga nakarehistrong gumagamit, ang Quora ay hindi pa rin nagtataglay ng parehong antas ng pangunahing katanyagan tulad ng Twitter, na, sa panahong iyon, ay mayroong humigit-kumulang 326 milyong mga rehistradong tagagamit. Maaaring ito ay dahil sa malaking bilang ng mga nakarehistrong tagagamit sa websayt na hindi gumagamit nang regular at marami ang hindi alam na mayroon silang mga nagawang akawnt. Karamihan sa kanila ay nakalikha ng akawnt ngunit hindi namamalayan sa pamamagitan ng iba pang mga websayt na kaakibat sa Quora o nilikha ang mga ito dati pa nang ilang taon at nakalimutan ito. Gumagamit ang Quora ng iba't ibang paraan upang pilitin ang mga gumagamit na mag-login o magrehistro bago nila makita ang higit pang mga nilalaman.

Noong Disyembre 2018, inihayag ng Quora na humigit-kumulang na 100 milyong mga akawnt ng mga gumagamit ang naapektuhan sa isang paglusob sa datos. Kasama sa mga na-hack na impormasyon ang mga pangalan ng mga gumagamit, mga direksiyon ng e-liham, nakatagong password, datos mula sa mga social network tulad ng Facebook at Twitter kung pinili ng mga tao na i-link ang mga ito sa kanilang mga akawnt sa Quora, mga katanungan na tinanong nila, at mga sagot na isinulat nila. Sinabi ni Adam D'Angelo na karamihan sa mga nilalaman ng Quora ay naisapubliko na ngunit sa paglusob ng mga pribadong datos, ito ay seryosong usapin.

Pagsapit ng Mayo 2019, ang Quora ay nagkakahalaga ng $ 2 bilyon bilang isang kumpanya at tinatapos nito ang kabuuang $ 60 milyon na pamumuhunan, na pinangunahan ng Valor Equity Partners, isang pribadong kumpanya ng equity na may kaugnayan sa Tesla, Inc. at SpaceX. Sa kabila nito, nagpakita pa rin ang websayt ng napakaunting mga ad kumpara sa iba pang mga websayt na kauri nito at nagpupumilit pa rin ang kumpanya na makaipon, na kumita lamang ng $ 20 milyon sa kabuuang kita noong 2018. Maraming mga namumuhunan ang hindi muna umasa sa pagkakataong mamuhunan sa Quora, na nagbanggit sa kadahilanang "hindi maayos na pagtatala ng kumpanya sa aktwal na kita."

Noong Disyembre 2019, inihayag ni Quora na bubuksan nito ang kauna-unahang internasyonal na tanggapan ng Inhenyeriya sa Vancouver, na haharapin ang pag-aaral ng makina at iba pang mga pagpapaandar sa aspeto nito. Sa buwan ding iyon, inilunsad ng Quora ang mga bersyon sa wikang Arabe, Guharati, Ebreo, Kannada, Malayalam, at Telugu.

Noong Hunyo 2020, bilang resulta ng pandemya ng coronavirus, inanunsyo ni Adam D'Angelo na ang Quora ay magiging "remote first", nangangahulugang ang karamihan sa mga empleyado ay hindi kailangang pumunta sa opisina upang magtrabaho.

Talaan ng mga kapanahunan ng Quora

Petsa Uri/Anyo Mga ulat
Hunyo 2009 Produkto Itinatag ang Quora
Marso 2010 Pamumuhunan Namuhunan ang Quora ng $11 milyon sa series A, kasama ang Benchmark Capital bilang ang namumuhunan
Hunyo 2010 Produkto Iniulat ng Quora na magiging bukas ito para sa publiko
Enero 2011 Kompanya Tumiwalag si Marc Bodnick mula sa Elevation Partners upang sumali sa Quora
Pebrero 2011 Teknolohiya Pinili ng Quora ang C++ kaysa sa C dahil sa mabilisan at epektibong kakayahan nito
Hulyo 2011 Produkto Ipinakilala ng Quora ang seksyong "Video" sa pahina ng mga Q&A
Hulyo 2011 Produkto Ipinakilala ng Quora ang seksyong "Credits" sa pahina ng mga Q&A
Setyembre 2011 Produkto Ipinakilala ng Quora ang paraang pagboto at pagkakasapi (thread) ng mga komentaryo
Mayo 2012 Pamumuhunan Nakakuha ang Quora ng $50 milyon sa puhunan sa series B, kasama sina Peter Thiel at Adam D'Angelo bilang mga namumuhunan
Setyembre 2012 Kompanya Tumiwalag ang isa sa mga tagapagpatatag na si Charlie Cheever
Nobyembre 2012 Produkto Ipinakilala ng Quora ang programa ng mga nangungunang manununulat (Top Writers Program)
Enero 2013 Produkto Ipinakilala ng Quora ang mga blog
Marso 2013 Produkto Ipinakilala ng Quora ang polisiya tungkol sa mga sagot na larawan lamang
Abril 2014 Pamumuhunan Nakakuha ng Quora ang $80 milyong puhunan sa series C na mayroong halaga na $900 milyon, kasama ang Tiger Global Management at Y Combinator bilang mga namumuhunan
Enero 2016 Produkto Inanunsyo ng Quora ang bounty system (kaparaanan ng gantimpala), na nagbibigay ng kabayaran para sa napiling pinakamahusay na kasagutan (ipinipili ng nagtanong) sa mga piling na katanungan
Marso 2016 Produkto Nakuha ng Quora ang Parlio, isang websayt online na pang-Q&A na sinimulan ni Wael Ghonim
Abril 2016 Produkto Inanunsiyo ng Quora na magsisimula ito ng mga paunang promosyon (advertisements) sa ilang mga pahina at tanong
Mayo 2016 Kompanya Si Marc Bodnick, isa sa mga pangunahing tauhan at pinuno ng Quora, ay nag-anunsiyo na tumiwalag sa kompanya
Agosto 2016 Produkto Inanunsiyo ng Quora ang paggamit ng wikang Espanyol
Nobyembre 2016 Kompanya Ang katiwala ng Wikimedia Foundation na si Kelly Battles ay inanunsiyo bilang panibagong pangunahing opisyal sa pananalapi (chief financial officer; CFO)
Pebrero 2017 Produkto Isinama ng Quora ang Wikidata sa pangangasiwa nito ng mga paksa
Abril 2017 Pamumuhunan Nakakuha ng Quora ang $85 milyong puhunan sa series D na mayroong halaga na $1.8 bilyon, kasama ang Collaborative Fund at Y Combinator bilang mga namumuhunan
Hulyo 2017 Produkto Inanunsiyo ng Quora ang paggamit ng wikang Aleman at Italiano
Setyembre 2017 Produkto Inanunsiyo ng Quora ang paggamit ng wikang Hapones
Abril 2018 Produkto Inanunsiyo ng Quora ang pagsagot sa pamamagitan ng bidyo
Abril 2018 Produkto Inanunsiyo ng Quora ang Quora Partner Program
Hunyo 2018 Produkto Inanunsiyo ng Quora ang paggamit ng mga wikang Hindi, Indones, at Portuges
Pebrero 2018 Produkto Inanunsyo ng Quora ang pagtatampok ng "Links", na nagpapakita ng mga kawing sa mga artikulo sa iba pang mga websayt sa feed ng mga gumagamit. Una, ang mga kawing ay awtomatikong pinagsunod-sunod ayon sa mga paksa at nailalathala ng software sa mga feed ng mga gumagamit alinsunod sa mga paksang sinusunod, at lumilitaw din sa isang tab na "Links" sa mga pahina ng paksa. Ang tab na "Links" ay natanggal sa paglaon mula sa mga pahina ng mga paksa nang walang anunsyo.
Mayo 2018 Produkto Inanunsiyo ng Quora ang "Sharing", isang uri ng muling pag-blog (reblogging)
Agosto 2018 Produkto Inanunsiyo ng Quora kakayahan ng mga tagagamit na magbahagi ng mga kawingan (links)
Setyembre 2018 Tagagamit Naabot ng Quora ang bilang ng mga buwanang tagagamit sa 300 milyon
Nobyembre 2018 Produkto Itinampok ng Quora ang "Spaces" at sunod na inilipat ang mga kasalukuyang blog sa plataporma na ito
Disyembre 2018 Seguridad Isinawalat ng Quora ang isang panlulusob sa mga datos na nakaapekto sa halos 100 milyong mga tagagamit
Enero 2019 Produkto Inanunsiyo ng Quora ang paggamit ng mga wikang Olandes, Danes, Noruwego, Suweko, Marathi, Bengali, at Tamil
Disyembre 2019 Kompanya Inanunsiyo ng Quora ang unang pagbubukas nito ng internasyonal na opisina sa Vancouver
Disyembre 2019 Produkto Inanunsiyo ng Quora ang paggamit ng mga wikang Arabe, Gujarati, Ebreo, Kannada, Malayalam, at Telugu
2020 Kompanya Ilang mga empleyado ng Quora ang pansamantalang itinanggal sa trabaho dahil sa pandemya ng Covid-19[32]

Mga sanggunian

  1. ↑ "Languages on Quora". Quora.
  2. ↑ Maling banggit (Hindi tamang <ref> tag; walang binigay na teksto para sa refs na may pangalang Schleifer2019); $2
  3. ↑ "Working at Quora, Inc". Glassdoor. Nakuha noong Enero 14, 2021
  4. ↑ Kincaid, Jason (Hunyo 21, 2010). "Quora's Highly Praised Q&A Service Launches To The Public (And The Real Test Begins)". Techcrunch.com. Nakuha noong Abril 6, 2013.
  5. ↑ Wortham, Jenna (Marso 12, 2010). "Facebook Helps Social Start-Ups Gain Users". New York Times. Nakuha noong Marso 29, 2010.
  6. ↑ Schleifer, Theodore (Mayo 16, 2019). "The question-and-answer Quora platform is now worth $2 billion". Vox. Nakuha noong Hulyo 15, 2020.
  7. ↑ Cheever, Charlie. "Charlie Cheever's answer to How did Adam D'Angelo and Charlie Cheever come up with the name Quora?". Quora. Quora, Inc. Retrieved May 17, 2019.
  8. ↑ Lewenstein, ed. (Nobyembre 28, 2010). "Quora Signups Explode". Nakuha noong Enero 24, 2011.
  9. ↑ Constine, Josh. "Q&A app Quora valued around $1.8 billion in $85 million fundraise". TechCrunch. Nakuha noong Disyembre 5, 2018
  10. ↑ Cutler, Kim-Mai (Setyembre 11, 2012). "Quora Co-Founder Charlie Cheever Steps Back From Day-To-Day Role At The Company". TechCrunch
  11. ↑ Constine, Josh (Enero 23, 2013). "Quora Launches Blogging Platform With Mobile Text Editor To Give Every Author A Built-In Audience". TechCrunch. Nakuha noong Pebrero 1, 2013.
  12. ↑ Russell, Jon (Marso 21, 2013). "Quora finally introduces full-text search to boost content discovery". The Next Web. Nakuha noong Nobyembre 14, 2013
  13. ↑ Constine, Josh (Mayo 29, 2013). "Quora Brings Full-Text Search To Mobile To Unlock FAQ&As For Any Keyword". TechCrunch. Nakuha noong Nobyembre 14,2013
  14. ↑ Tsotsis, Alexia (Mayo 28, 2013). "Quora Grew More Than 3X Across All Metrics In The Past Year". Nakuha noong Nobyembre 14, 2013
  15. ↑ Gannes, Liz (Nobyembre 12, 2013). "Quora Gives Its Writers a Stats Dashboard". AllThingsD. Nakuha noong Nobyembre 14, 2013
  16. ↑ Truong, Alice (Nobyembre 12, 2013).""Quora Stats" Tells You If People Find Your Posts Useful". Fast Company." Nakuha noong Nobyembre 14, 2013
  17. ↑ Constine, Josh (Nobyembre 13, 2013). "Quora Signals It's Favoring Search Ads For Eventual Monetization, Launches Author Stats Tool". TechCrunch. Nakuha noong Nobyembre 14, 2013
  18. ↑ Schleifer, Theodore (Mayo 16, 2019). "Yes, Quora still exists, and it's now worth $2 billion: According to some, the financing round for the question-and-answer platform speaks to the high valuation for virtually everything these days in the tech sector". Vox. Nakuha noong Mayo 17, 2019
  19. ↑ Constine, Josh (Abril 9, 2014). "Quora Wants To Stay Independent, Raises $80M Series C From Tiger Global At ~$900M Valuation". TechCrunch. Nakuha noong Mayo 11, 2014.
  20. ↑ McBride, Sarah (Abril 9, 2014). "Tiger Global helps Q&A site Quora raise $80 million Naka-arkibo 2015-11-18 sa Wayback Machine.". Reuters. Nakuha noong Mayo 11, 2014.
  21. ↑ "Quora's first acquisition is Arab Spring instigator's Q&A site Parlio". TechCrunch. Marso 30, 2016. Nakuha noong Marso 31, 2016.
  22. ↑ Yeung, Ken (Abril 19, 2016). "Quora begins testing ads on 'small number' of question pages Naka-arkibo 2018-11-22 sa Wayback Machine.". VentureBeat. Nakuha noong Agosto 7, 2016.
  23. ↑ Schleifer, Theodore (Mayo 16, 2019). "Yes, Quora still exists, and it's now worth $2 billion: According to some, the financing round for the question-and-answer platform speaks to the high valuation for virtually everything these days in the tech sector". Vox. Nakuha noong Mayo 17, 2019.
  24. ↑ Yeung, Ken. "Quora en español launches out of beta Naka-arkibo 2017-01-15 sa Wayback Machine.". VentureBeat. Nakuha noong Oktubre 21, 2016.
  25. ↑ D'Angelo, Adam (Pebrero 27, 2017). "Launching a beta for Quora en français". blog.quora.com.
  26. ↑ Seshasai, Shreyes (Mayo 11, 2017). "Launching betas for Quora in Italiano & Quora a... - The Quora Blog - Quora". blog.quora.com.
  27. ↑ Seshasai, Shreyes (Setyembre 25, 2017). "Launching a beta for Japanese - The Quora Blog - Quora". blog.quora.com.
  28. ↑ Seshasai, Shreyes (Abril 19, 2018). "Announcing Betas for Quora in Hindi, Indonesian... - The Quora Blog - Quora". blog.quora.com. Nakuha noong Setyembre 23, 2018.
  29. ↑ "Marketing Roles at Quora - Quora". www.quora.com. Nakuha noong Setyembre 23,2018.
  30. ↑ "Quora product updates: Upcoming changes to anonymity on Quora" ni Riley Patterson noong Pebrero 9, 2017
  31. ↑ Constine, Josh. "Q&A app Quora valued around $1.8 billion in $85 million fundraise". TechCrunch. Nakuha noong Disyembre 5, 2018
  32. ↑ https://www.sfchronicle.com/business/article/Quora-to-lay-off-an-undisclosed-number-of-15001785.php?&ampcf=1

Mga kawingang panlabas

May kaugnay na midya tungkol sa Quora ang Wikimedia Commons.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.