மலேசியத் தலைமை நீதிபதி (ஆங்கிலம்: Chief Justice of Malaysia; மலாய்: Ketua Hakim Negara) என்பவர் மலேசிய நீதித் துறையின் தலைவர் ஆவார். மலேசிய உச்ச நீதிமன்றத் தலைமை நீதிபதி எனவும் அழைக்கப் படுகிறார். 1994-ஆம் ஆண்டில் இருந்து மலேசிய உச்ச நீதிமன்றத் தலைமை நீதிபதி எனும் பதவி மொழி பயன்படுத்தப்பட்டு வருகிறது. அதற்கு முன்னர், கூட்டரசு நீதிமன்றப் பிரபுத் தலைவர் (Lord President of the Federal Court) என அழைக்கப்பட்டது.
மலேசியத் தலைமை நீதிபதி பதவிக்கு அடுத்த நிலைப்பதவி, மலேசிய மேல்முறையீட்டு நீதிமன்றத் தலைவர் (President of the Court of Appeal) பதவி ஆகும். அடுத்த பதவி மலாயா தலைமை நீதிபதி; அதற்கும் அடுத்த பதவி சபா சரவாக் தலைமை நீதிபதி ஆகும்.[2]
2 மே 2019 முதல் தற்போது வரையில் தலைமை நீதிபதியாக பதவி வகிப்பவர் தெங்கு மைமுன் துவான் மாட் ஆவார்.
மலேசியாவின் தலைமை நீதிபதிகள்
- துன் அப்துல் அமீட் ஒமார் (1994; அதற்கு முன்னர் பிரபுத் தலைவர்)
- துன் முகமட் யூசோப் சின் (1994 to 2000)
- துன் முகமட் சாய்டின் அப்துல்லா (2000 to 2003)
- துன் அகமட் பைருசு அப்துல் ஆலிம் (2003 to 2007)
- துன் அப்துல் அமீட் முகமட் (2007 to 2008)
- துன் சாக்கி அசுமி (2008 to 2011)[3]
- துன் அரிபின் சக்காரியா (2011 தொடக்கம்)
- துன் முகமட் ரவுஸ் சரீப் (Md Raus Sharif) (2017-2018)[4]
- துன் ரிச்சர்ட் மலாஞ்சும் (Richard Malanjum) (2018-2019)[5]
- துன் தெங்கு மைமுன் துவான் மாட் (Tengku Maimun Tuan Mat) (2019-kini)[6]
மேற்கோள்கள்
மேலும் காண்க
வெளி இணைப்புகள்
