அனைத்துலக ஓசோன் படலப் பாதுகாப்பு நாள் (International Day for the Preservation of the Ozone Layer) ஒவ்வோர் ஆண்டும் செப்டம்பர் மாதம் 16 ஆம் தேதி அனுசரிக்கப்படுகிறது.[1] சூரியனின் புறஊதாக் கதிர்வீச்சு ஏற்படுத்தும் மோசமான பாதிப்புகளில் இருந்து பூமிப் பந்தில் வாழும் உயிரினங்களைப் பாதுகாப்பது ஓசோன் படலம் ஆகும். இதைப் பாதுகாக்க வேண்டியதன் அவசியத்தை உணர்த்தும் வகையில், ஐக்கிய நாடுகளின் பொதுச் சபை ஓசோன் அடுக்கைப் பாதுகாப்பதற்கான அனைத்துலக நாளாகக் இத்தேதியை தேர்வு செய்து அறிவித்தது.[2] 1987 ஆம் ஆண்டு செப்டம்பர் 16 ஆம் தேதியன்று ஒப்புக்கொள்ளப்பட்டபடி ஓசோன் அடுக்கைக் குறைக்கும் பொருட்களின் மீதான மாண்ட்ரீல் நெறிமுறையில் நாடுகள் கையெழுத்திட்ட 2000 ஆம் ஆண்டு டிசம்பர் மாதம் 19 ஆம் தேதியின் நினைவாக இந்த தேதி அனுசரிப்பு உருவாக்கப்பட்டது.[3] 1994 ஆம் ஆண்டில், ஐ.நா பொதுச் சபை செப்டம்பர் 16 ஆம் தேதியை ஓசோன் அடுக்கைப் பாதுகாப்பதற்கான அனைத்துலக நாளாக அறிவித்தது. 1987 ஆம் ஆண்டில், ஓசோன் அடுக்கைக் குறைக்கும் பொருட்கள் மீதான மாண்ட்ரீல் நெறிமுறையில் கையெழுத்திட்ட தேதியை நினைவுகூரும் வகையில் இம்முடிவு எடுக்கப்பட்டது.[4] இந்நெறிமுறை கையொப்பமிடப்பட்ட 30 ஆண்டுகளுக்குப் பிறகு ஓசோன் படலத்தில் உள்ள துளை மூடுவது கவனிக்கப்பட்டது.[5] ஓசோன் சிதைவுக்கு காரணமான வாயுக்களின் தன்மை காரணமாக அவற்றின் இரசாயன விளைவுகள் 50 மற்றும் 100 ஆண்டுகளுக்கு இடையில் தொடரும் எனவும் எதிர்பார்க்கப்படுகிறது.[5]
மேற்கோள்கள்
புற இணைப்புகள்
