சுத்தபங்காள

சுத்தபங்காள இருபத்தோராவது மேளகர்த்தா இராகமும், "வேத" என்று அழைக்கப்படும் நான்காவது சக்கரத்தின் நான்காவது இராகமுமாகிய கரகரப்பிரியாவின் ஜன்னிய இராகம் ஆகும்.

இலக்கணம்

இந்த இராகத்தில் சட்சம் (ச), சதுச்ருதி ரிசபம் (ரி₂), சுத்த மத்திமம் (ம₁), பஞ்சமம் (ப), சதுச்ருதி தைவதம் (த₂), சாதாரண காந்தாரம் (க₂) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு^[1]:

ஆரோகணம்:	ச ரி2 ம1 ப த2 ச
அவரோகணம்:	ச த2 ப ம1 ரி2 க2 ரி2 ச

இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படுகிறது. இதன் ஆரோகணத்தில் 5 சுரங்களும் அவரோகணத்தில் 6 சுரங்களும் உள்ளன. இதனால் இது "ஔடவ சாடவ" இராகம் எனப்படுகின்றது. இதன் அவரோகணத்தில் காந்தாரம் ஒழுங்குமாறி வருவதனால் இது வக்கிர இராகம் ஆகும்.

குறிப்பு

1. Music Handbook - Raga Index -S 18 பெப் 2011 அன்று பார்க்கப்பட்டது.

இவற்றையும் பார்க்கவும்

• ஜன்னிய இராகங்களின் பட்டியல் - அகரவரிசைப் பகுப்பு
• கர்நாடக இசை
• இராகம்
• சுரம்

வெளியிணைப்புக்கள்

• கர்நாட்டிகா இணையத் தளம்.