Marrëdhëniet Kosovë-Katar janë marrëdhënie të jashtme ndërmjet Kosovës dhe Katarit. Kosova e shpalli pavarësinë e saj nga Serbia më 17 shkurt 2008 dhe Katari e njohu atë më 7 janar 2011.
Rasti i Luftës në Kosovë u diskutua nga anëtarët e Organizatës së Bashkëpunimit Islamik në Katar më 1998.[1] Më 7 janar 2011 Katari u bë vendi i 73-të që njohu zyrtarisht pavarësinë e Kosovës. Gati në të njëjtën kohë Katari votoi në favor të anëtarësimit të Kosovës në Bankën Botërore.[2] Në maj 2015, Zëvendësministri i Jashtëm i Kosovës Petrit Selimi vizitoi Katarin, ku diskutoi me zyrtarët e Katarit për mundësitë ekzistuese për të çuar më tej bashkëpunimin në fusha të tilla si ekonomia dhe arsimi.[3] Disa të rinj kosovarë punojnë në Katar, kryesisht në sektorin e shërbimeve, të tërhequr nga mundësi të mira pune dhe paga të larta. Kjo ka shkaktuar midis pjesëve të shoqërisë kosovare shqetësime për shfrytëzimin e punëtorëve të rinj në aktivitete të paligjshme.[4]