Sämitigge (Taažâ)

Taažâ Sämitige táálu Kárášjuuvâst

Kunâgâs Olav V lehâstij vuosmuu sämitige ive 1989.

Sämitigge (maadâsämikielân Saemiedigkie, juulevsämikielân Sámedigge, nuorttâlâškielân Sääʹmteʹǧǧ, tárukielân Sametinget) Taažâst asâttui roovvâdmáánu 9. peeivi 1989. Vuosmuu sämitige lehâstij Kunâgâs Olav V.

Egil Olli, Aili Keskitalo, Sven-Roald Nystø já Ole Henrik Magga

Säämi sierâkirjerááju Sämitige viäsust

Sämitige tievâsčuákkim

Sämitige paajeeb orgaan lii tievâsčuákkim, mii táválávt tuálloo neljii ivveest.

Presidenteh

• Ole Henrik Magga: 1989–1997, Taažâ Sämmilij Riijkâservi
• Sven-Roald Nystø: 1997–2005, Taažâ Sämmilij Riijkâservi
• Aili Keskitalo: 2005–2007, Taažâ Sämmilij Riijkâservi
• Egil Olli: 2007–2013, Taažâ pargeipiäládâh
• Aili Keskitalo: 2013–2016, Taažâ Sämmilij Riijkâservi
• Vibeke Larsen: 2016–2017, Taažâ pargeipiäládâh já 2017, piäláduvttáá
• Aili Keskitalo: 2017–2021, Taažâ Sämmilij Riijkâservi
• Silje Karine Muotka: 2021–, Taažâ Sämmilij Riijkâservi^[1]

Sämitiggevaaljah

Sämitige vaaljâpirrâduvah:

  Nuorttâkuávlu vaaljâpirrâdâh

  Ávjuvääri vaaljâpirrâdâh

  Tavekuávlu vaaljâpirrâdâhv

  Väričokkekuávlu vaaljâpirrâdâh

  Viestârmeerâ vaaljâpirrâdâh

  Maadâ-Säämi vaaljâpirrâdâh

  Maadâ-Taažâ vaaljâpirrâdâh

Válduartikkâl: Taažâ Sämitige vaaljâoornig

Sämitiggevaaljah uárnejuvvojeh jyehi niäljád ive^[2] siämmáá peeivi ko stuorrâtiggevaaljah. Vuosmuuh vaaljah uárnejuvvojii ive 1989. Sämitiggevaaljâin láá lamaš ive 2009 rääjist 7 vaaljâpirrâdâhhâd, main väljejuvvojeh ohtsis 39 airâsid.

Sämitige viäsu

Taažâ Sämitige viäsu lii Kárášjuuvâst. Taažâ Kunâgâs Harald V lehâstij viäsu almolávt skammâmáánu 2. peeivi 2000. Ive 1996 uđđâ Sämitige várás tollui arkitehtkišto, mon vuoittijn Stein Halvorsen já Christian Sunby. Sämitige viäsu maavsij 128,7 miljovn ruvnâd, já tast lii ohtsis 5 300 neljihâšmeetterid.

Keejâ meid

• Suomâ Sämitigge
• Ruotâ Sämitigge
• Sämitigge
• Säämi parlamentaarlâš rääđi

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Sämitigge (Taažâ).

• Taažâ Sämitige nettisiijđoh

Käldeeh

1. Keskitalo guodá – Muotká joarkká. NRK Sápmi. 21.10.2021. Čujottum 25.10.2021 (julevsämikielân)
2. sametinget.no Čujottum 24.10.2020 (pajekielân)