![]()
Säämi kulttuurkuávdáš Sajos
Kove: Kimberli Mäkäräinen
Sämitigge (nuorttâlâškielân Sääʹmteʹǧǧ, orjâlâškielân Sámediggi) lii Suomâ sämmilij alemus, ovdâsteijeevâš já pooliitlâš jiešhaldâšemorgaan, mii tuáimá riehtiministeriö haldâšemsyergist.[1] Ovdil Sämitige Suomâst tooimâi Säämi Parlament iivij 1973–1995.[2]
Jesâneh
Sämitige 21 jesânid já nelji värijeessân väljejuvvojeh sämmilij koskâvuođâst valjâiguin, moh olášuttojeh jyehi niäljád ive.[1][2] Jyehi sämikuávlu kieldâst kalga valjiđ ucemustáá kulmâ ovdâsteijee sämitiigán.[2] Kuulmâ sämmilii vuáđudem väljejeijeeservi puáhtá asâttiđ iävtukkâs sämitiigán.[2]
Pargo
Sämitige pargon lii vuáváđ já olášuttiđ Suomâ vuáđulaavâst sämmiláid turvâstum kielâ já kulttuur kyeskee jiešhaldâšem.[1] Sämitigge oovdâst sämmilijd aalmuglâš já aalmugijkoskâsâš ohtâvuođâin já hoittáá sämmilij kielân, kulttuurân já sii sajattâhân kyeskee aašijd algâaalmugin.[1] Sämitigge puáhtá adeliđ oovdânpyehtimijd, alguid já ciälkkámušâid virgeomâháid.[1][2] Sämitigge addel ihásávt 60–200 sierâlágán algud já ciälkkámužžâd sierâ peelijd.[2] Ton lasseen sämitigge noomât ovdâsteijeid maŋgáid sierâ pargojuávhoid.[2] Nube válduášálâš toimâvyehhin láá virgeomâhâiguin toohum ráđádâlmeh.[2]
Stivrâ
Sämitige stivrâ 2020–2023:[3]
Keejâ meid
Fáádást eres soojijn
Käldeeh
- ↑ 1,0 1,1 1,2 1,3 1,4 Sämitigge - sajos.fi Čujottum 3.10.2021
- ↑ 2,0 2,1 2,2 2,3 2,4 2,5 2,6 2,7 Sämitigge - Váimustoimâ Čujottum 3.10.2021
- ↑ Sämitigge - Stivrâ Čujottum 3.10.2021
