Albania (albaniakielân Shqipëria, jurg. 'kuáskimij eennâm') ađai Albania täsiväldi (albaniakielân Republika e Shqipërisë) lii staatâ Balkanist Euroopist. Ton uáivikaavpug lii Tirana.
Eennâmtiätu
Albania vijđodâh lii 28 748 km², mast 1 350 km² lii čääci.[1] Vijđoduv mield Albania lii maailm 144. stuárráámus staatâ.[1]
Sajadâh já rääjih
Albania lii staatâ Balkanist maadânuorttâ-Euroopist. Ton ránnjástaatah láá tavenuorttân Kosovo, nuorttân Tave-Makedonia, mäddin Kreikka já taveuárjin Montenegro. Albaniast staatârääjih láá ohtsis 691 km. Kuhemus rääji lii rääji Kreikkain, mii lii 212 km.[1] Uánihumos rääji vist lii 112 km rääji Kosovoin.[1] Albania rájášuvá viestârist Adria- já Jooniameerân, moh kuleh Koskâmeerân. Merâriddo lii ohtsis 362 km.[1]
Suolluuh
Albania stuárráámus suálui Sazan
Albania stuárráámuuh suolluuh láá Sazan (5,7 km²), Merxhan teikkâ meid Kunë (1,4 km²), Malsori (0,4 km²) já Zvërnec (0,1 km²).
Jäävrih já juuvah
Albania 5 stuárráámuu jäävri
Albania 5 kuhemuu juuvâ
Morfologia
Korab lii Albania alemus vääri.
Albania alemus saje lii Korab čokke (2 764 m).[1] Korab maŋa Albania alemuuh väärih láá Jezercë (2 694 km), Grykat e Hapëta (2 625 km), Maja e Popllukës (2 578 km) já Radohina (2 568 km).
Staatâ vyeligumos saje vist lii Adriameerâ riddo (0 m).[1]
Haldâttâh já politiik
Albania staatâhäämi lii parlamentaarlâš täsiväldi. Albania staatâhovdâ lii president. Tááláš president lii Bajram Begaj.
Ekonomia
Iäláttâsah
Albaniast láá ennuv váráduvah, já tondiet viljâlem lii tuše käržis riddokuávlust.
Viehâdâh
Ässeeloho
Albania ässeeloho lii suulân 2,86 miljovn, kiäin váhá paijeel peeli láá muslimeh.
Kaavpugeh
Skanderbeg tori Tiranast
Albania uáivikaavpug já stuárráámus kaavpug lii Tirana.
Fáádást eres soojijn
Käldeeh
Jurgâlus Taat artikkâl teikkâ uási tast lii jurgâlum ereskielâlâš Wikipedia artikkâlist.
Algâalgâlâš artikkâl:
fi:Albania 
