ᱵᱚᱥᱩᱱᱫᱷᱚᱨᱟ ᱨᱟᱡᱮ ᱥᱤᱱᱫᱷᱤᱭᱟ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱨᱟᱡᱚᱥᱛᱷᱟᱱ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱠᱟᱱᱟᱭ ᱾ ᱩᱱᱤ ᱫᱚ ᱢᱟᱲᱟᱝ ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱟᱜ ᱛᱟᱞᱢᱟ ᱢᱚᱱᱛᱨᱤ ᱢᱟᱰᱮᱨ ᱨᱮ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱸᱦᱮ ᱠᱟᱱᱟ, ᱟᱨ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱢᱤᱫ ᱥᱚᱦᱮᱫ ᱠᱟᱱᱟᱭ ᱾
ᱮᱛᱚᱦᱚᱵ ᱡᱤᱭᱚᱱ
ᱵᱚᱥᱩᱱᱫᱷᱚᱨᱟ ᱨᱟᱡᱮ ᱫᱚ ᱘ ᱢᱟᱨᱪ ᱑᱙᱕᱓ ᱥᱟᱞᱮ ᱨᱮ ᱵᱳᱢᱵᱟᱭ (ᱱᱮᱛᱟᱨ ᱫᱚ ᱢᱩᱢᱵᱟᱭ) ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱵᱤᱡᱚᱭᱟᱨᱟᱡᱮ ᱥᱤᱱᱫᱷᱤᱭᱟ - ᱥᱤᱱᱫᱮ ᱟᱨ ᱡᱤᱵᱟᱡᱤᱨᱟᱣ ᱥᱤᱱᱫᱷᱤᱭᱟ - ᱥᱤᱱᱫᱮ, ᱜᱣᱟᱞᱤᱭᱚᱨ ᱨᱮᱱ ᱢᱚᱦᱟᱨᱟᱡᱟ, ᱛᱟᱹᱠᱤᱱ ᱨᱮᱱ ᱠᱩᱲᱤᱭ ᱛᱟᱸᱦᱮ ᱠᱟᱱᱟ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱢᱟᱨᱟᱴᱷᱤ ᱥᱤᱱᱫᱷᱤᱭᱟ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱵᱤᱨᱫᱟᱹᱜᱟᱲ ᱥᱮᱞᱮᱫ ᱛᱟᱢᱤᱞᱱᱟᱰᱩ, ᱠᱳᱲᱟᱭᱠᱟᱱᱟᱞ ᱨᱮᱭᱟᱜ ᱯᱨᱮᱡᱮᱱᱴᱮᱥᱟᱱ ᱠᱤᱱᱵᱷᱮᱱᱴ ᱠᱷᱚᱱ ᱮ ᱯᱩᱨᱟᱹᱣ ᱞᱮᱫᱟ ᱟᱨ ᱛᱟᱭᱚᱢ ᱛᱮ ᱢᱩᱢᱵᱟᱭ ᱨᱮᱭᱟᱜ ᱢᱩᱢᱵᱟᱭ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱨᱟᱣ ᱥᱳᱯᱷᱤᱭᱟ ᱠᱚᱞᱮᱡᱽ ᱠᱷᱚᱱ ᱠᱟᱹᱣᱰᱤᱭᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱜᱨᱮᱡᱩᱭᱮᱴ ᱰᱤᱜᱽᱨᱤ ᱮ ᱦᱟᱢᱮᱴ ᱞᱮᱫᱟ ᱾
ᱟᱯᱱᱟᱨ ᱡᱤᱭᱚᱱ
᱑᱗ ᱱᱚᱵᱷᱮᱢᱵᱚᱨ ᱑᱙᱗᱒ ᱨᱮ ᱵᱚᱥᱩᱱᱫᱷᱚᱨᱟ ᱨᱟᱡᱮ ᱫᱷᱳᱞᱯᱩᱨ ᱨᱮᱱ ᱢᱚᱦᱟᱨᱟᱡᱟ ᱨᱟᱱᱟ ᱦᱮᱢᱚᱱᱛᱚ ᱥᱤᱝ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱢᱮᱱᱠᱷᱟᱱ ᱢᱤᱫ ᱥᱮᱨᱢᱟ ᱛᱟᱭᱚᱢ ᱜᱮ ᱩᱱᱠᱤᱱ ᱫᱚᱠᱤᱱ ᱵᱟᱯᱟᱜ ᱮᱱᱟ ᱾[᱑] ᱟᱡ ᱨᱮᱱ ᱠᱚᱲᱟ ᱫᱩᱥᱤᱭᱟᱱᱛ ᱥᱤᱝ ᱟᱡᱟᱜ ᱢᱟᱨᱮ ᱞᱳᱠᱥᱚᱵᱷᱟ ᱛᱟᱞᱢᱟ, ᱡᱷᱟᱞᱟᱣᱟᱨ ᱠᱷᱚᱱ ᱮ ᱵᱟᱪᱷᱟᱣ ᱞᱮᱱᱟ ᱾[᱒] ᱩᱱᱤ ᱨᱮᱱ ᱵᱚᱭᱦᱟ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ, ᱡᱚᱥᱚᱫᱷᱚᱨᱟ ᱨᱟᱡᱮ ᱥᱤᱱᱫᱷᱤᱭᱟ, ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱ ᱢᱟᱨᱮ ᱥᱤᱞᱯᱚ ᱢᱚᱱᱛᱨᱤ, ᱵᱚᱸᱜᱟ ᱛᱟᱞᱟ ᱢᱟᱫᱷᱚᱵᱽᱨᱟᱣ ᱥᱤᱱᱫᱷᱤᱭᱟ, ᱵᱚᱸᱜᱟ ᱛᱟᱞᱟ ᱯᱚᱫᱢᱟᱵᱚᱛᱤ ᱨᱟᱡᱮ 'ᱟᱠᱠᱟᱥᱟᱦᱮᱵᱽ' ᱵᱚᱨᱢᱚᱱ (᱑᱙᱔᱒-᱖᱔) ᱡᱟᱦᱟᱸᱭ ᱫᱚ ᱛᱨᱤᱯᱩᱨᱟ ᱨᱮᱱ ᱢᱩᱪᱟᱹᱫ ᱥᱟᱥᱚᱱᱮᱫ ᱨᱟᱡᱟ ᱠᱤᱨᱤᱛ ᱫᱮᱵᱽ ᱵᱚᱨᱢᱚᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱟᱨ ᱩᱥᱟ ᱨᱟᱡᱮ ᱨᱟᱱᱟ (ᱡᱟᱱᱟᱢ ᱑᱙᱔᱓) ᱡᱟᱦᱟᱸᱭ ᱫᱚ ᱱᱮᱯᱟᱞ ᱨᱮᱭᱟᱜ ᱨᱟᱱᱟ ᱜᱷᱟᱨᱚᱸᱡᱽ ᱨᱮᱭ ᱵᱟᱯᱞᱟ ᱞᱮᱱᱟ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
᱑᱙᱘᱔ ᱨᱮ, ᱨᱟᱡᱮ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱨᱮᱭ ᱵᱚᱞᱚ ᱞᱮᱱᱟ ᱾ ᱮᱛᱚᱦᱚᱵ ᱨᱮ, ᱩᱱᱤ ᱫᱚ ᱱᱟᱣᱟ ᱜᱮ ᱵᱮᱱᱟᱣ ᱟᱠᱟᱱ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ (ᱵᱤ.ᱡᱮ.ᱯᱤ) ᱨᱮᱱ ᱡᱟᱹᱛᱤᱭᱟᱹᱨᱤ ᱠᱟᱹᱢᱤᱭᱟᱹ ᱥᱚᱦᱮᱫ ᱮ ᱛᱟᱸᱦᱮ ᱠᱟᱱᱟ ᱾ ᱩᱱᱤ ᱫᱚ ᱫᱷᱳᱞᱯᱩᱨ ᱠᱷᱚᱱ ᱘ ᱟᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱫ ᱞᱮᱠᱟᱛᱮᱭ ᱵᱟᱪᱷᱟᱣ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ, ᱩᱱᱤ ᱫᱚ ᱨᱟᱡᱚᱥᱛᱷᱟᱱ ᱵᱤ.ᱡᱮ.ᱯᱤ. ᱡᱩᱣᱟᱹᱱ ᱢᱳᱨᱪᱟ ᱨᱮᱱ ᱥᱚᱦᱚᱫ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱱᱟ ᱾[᱓]
ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱫ
- ᱑᱙᱘᱕-᱙᱐ ᱥᱚᱦᱮᱫ, ᱫᱷᱳᱞᱯᱩᱨ ᱠᱷᱚᱱ ᱘ ᱟᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ
- ᱒᱐᱐᱓-᱐᱘ ᱥᱚᱦᱮᱫ, ᱡᱷᱟᱞᱨᱟᱯᱟᱴᱟᱱ ᱠᱷᱚᱱ ᱑᱒ ᱟᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ
- ᱒᱐᱐᱘-᱑᱓, ᱡᱷᱟᱞᱨᱟᱯᱟᱴᱟᱱ ᱠᱷᱚᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ
- ᱒᱐᱑᱓-᱑᱘, ᱥᱚᱦᱮᱫ, ᱡᱷᱟᱞᱨᱟᱯᱟᱴᱟᱱ ᱠᱷᱚᱱ ᱑᱔ ᱟᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ[᱔]
- ᱒᱐᱑᱘-ᱱᱤᱛ, ᱥᱚᱦᱮᱫ, ᱡᱷᱟᱞᱨᱟᱯᱟᱴᱟᱱ ᱠᱷᱚᱱ ᱨᱟᱡᱚᱥᱛᱷᱟᱱ ᱵᱤᱫᱷᱟᱱᱥᱚᱵᱷᱟ
ᱥᱚᱝᱥᱚᱫ ᱨᱮᱱ ᱥᱚᱦᱮᱫ
ᱨᱟᱡᱚᱥᱛᱷᱟᱱ ᱩᱫᱚᱭᱯᱩᱨ ᱨᱮ ᱵᱷᱟᱢᱟᱥᱟᱦ ᱭᱳᱡᱽᱱᱟ ᱩᱰᱟᱹᱣ ᱥᱟᱹᱜᱩᱱ ᱚᱠᱛᱚ ᱵᱚᱥᱩᱱᱫᱷᱚᱨᱟ ᱨᱟᱡᱮ ᱥᱤᱱᱫᱷᱤᱭᱟ ᱾
ᱠᱟᱹᱢᱤ
- ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ ᱨᱟᱡᱚᱥᱛᱷᱟᱱ ᱜᱳᱣᱨᱚᱵᱷ ᱡᱟᱛᱨᱟ[᱕]
- ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ ᱵᱷᱟᱢᱟᱥᱟᱦ ᱭᱳᱡᱽᱱᱟ[᱖]
- ᱥᱚᱛᱭᱚᱢ ᱠᱩᱢᱟᱨ ᱟᱨ ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ iStart Rajasthan[᱗][᱘]
- ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ ᱡᱚᱞ ᱥᱣᱚᱵᱷᱞᱟᱢᱵᱚᱱ[᱙][᱑᱐]
- ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ ᱟᱨᱦᱚᱸ ᱮᱴᱟᱜ ᱭᱳᱡᱽᱱᱟ ᱠᱚ ᱧᱮᱞ ᱢᱮ[᱑᱑]
ᱦᱟᱢᱮᱴ
᱒᱐᱐᱗ ᱨᱮ, ᱛᱤᱨᱞᱟᱹ ᱠᱚ ᱟᱠᱚ ᱛᱮ ᱫᱟᱲᱮ ᱚᱪᱚ ᱠᱚ ᱞᱟᱹᱜᱤᱫ ᱮᱢ ᱟᱠᱟᱫ ᱥᱮᱵᱟ ᱠᱚ ᱞᱟᱹᱜᱤᱫ ᱭᱩ.ᱮᱱ.ᱳ. ᱠᱷᱚᱱ "ᱣᱳᱢᱮᱱ ᱴᱩᱜᱮᱫᱟᱨ ᱮᱣᱟᱨᱰ" ᱠᱚ ᱪᱟᱞ ᱟᱫᱮ ᱛᱟᱸᱦᱮᱱᱟ ᱾
ᱯᱩᱛᱷᱤ
ᱱᱟᱜᱟᱢᱤᱭᱟᱹ ᱵᱤᱡᱚᱭ ᱱᱟᱦᱟᱨ, ᱵᱚᱥᱩᱱᱫᱷᱚᱨᱟ ᱨᱟᱡᱮ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮᱭ ᱚᱞ ᱟᱠᱟᱱ ᱵᱚᱥᱩᱱᱫᱷᱚᱨᱟ ᱨᱟᱡᱮ ᱚᱣᱩᱨ ᱵᱤᱠᱟᱥᱤᱛ ᱨᱟᱡᱚᱥᱛᱷᱟᱱ ᱧᱩᱛᱩᱢᱟᱱ ᱯᱩᱛᱷᱤ ᱫᱚ ᱯᱨᱚᱵᱷᱟᱛ ᱯᱨᱚᱠᱟᱥᱚᱱ ᱦᱚᱛᱮᱛᱮ ᱪᱷᱟᱯᱟ ᱟᱠᱟᱱᱟ ᱾ ᱟᱨ ᱯᱩᱭᱞᱩ ᱨᱮ ᱨᱟᱡᱚᱥᱛᱷᱟᱱ ᱨᱮᱱ ᱯᱚᱱᱚᱛ ᱜᱚᱢᱠᱮ ᱪᱟᱞ ᱦᱩᱭ ᱞᱮᱱᱟ ᱾[᱑᱒]
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱟᱹᱭᱟᱹᱛ
- ↑ "Vasundhara Raje: A comeback politician who is also a fashion symbol". Economic Times. 8 December 2013. Retrieved 10 March 2014.
- ↑ "Fifteenth Lok Sabha Members Bioprofile". Lok Sabha Secretariat. Archived from the original on 10 March 2014. Retrieved 10 March 2014.
- ↑ Life and Career - Vasundhara Raje
- ↑ "Profile of Rajasthan". Nationsroot inc. Archived from the original on 2019-07-14. Retrieved 2021-09-09.
- ↑ "Raje's yatra to skip Sheo, raising political hackles". Hindustan Times. 2018-08-07. Retrieved 7 August 2015.
- ↑ "Raje's yatra to skip Sheo, raising political hackles". www.bhamashah.rajasthan.gov.in. Archived from the original on 2018-12-26. Retrieved 2021-09-09.
- ↑ "iStart Rajasthan by Satyam Kumar & CM Vasundhara Raje". www.bhamashah.rajasthan.gov.in.
- ↑ "Rajasthan Government Doubles Down on Startup Support, Launches IStart Programme". www.inc42.com. 2017-11-08.
- ↑ "मुख्यमंत्री जल स्वावलम्बन अभियान से प्रदेश बन रहा है जल आत्मनिर्भर". www.suraaj.rajasthan.gov.in. Archived from the original on 2018-12-26. Retrieved 2021-09-09.
- ↑ "Jal Swavlamban Yojna". www.mjsa.water.rajasthan.gov.in.
- ↑ "ᱵᱚᱥᱩᱱᱫᱷᱚᱨᱟ ᱨᱟᱡᱮ ᱦᱚᱛᱮᱛᱮ ᱭᱳᱡᱽᱱᱟ ᱠᱚ". www.ryvp.rajasthan.gov.in.
- ↑ "राज्यपाल कल्याण सिंह को पुस्तक भेंट". www.khaskhabar.com. Khaskhabar.com Group. 2016-08-04. Retrieved 4 August 2016.
.jpg)
