ᱨᱟᱡᱚᱥᱛᱷᱟᱱ (ᱤᱝᱞᱤᱥ : Rajasthan) ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱯᱚᱱᱚᱛ ᱠᱟᱱᱟ ᱟᱨ ᱮᱨᱤᱭᱟ ᱞᱮᱠᱟᱛᱮ ᱱᱚᱶᱟ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱚᱱᱚᱛ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱯᱟᱠᱤᱥᱛᱟᱱ, ᱠᱚᱧᱮ-ᱯᱟᱪᱮ ᱨᱮ ᱜᱩᱡᱽᱨᱟᱴ[᱑], ᱠᱚᱧᱮ-ᱥᱟᱢᱟᱝ ᱨᱮ ᱢᱚᱫᱷᱭᱚ ᱯᱨᱚᱫᱮᱥ, ᱥᱟᱢᱟᱝ ᱥᱮᱦᱮᱫ ᱨᱮ ᱯᱚᱧᱡᱟᱵᱽ ᱮᱛᱚᱢ-ᱥᱟᱢᱟᱝ ᱨᱮ ᱩᱛᱛᱚᱨ ᱯᱨᱚᱫᱮᱥ ᱟᱨ ᱦᱚᱨᱤᱭᱟᱬᱟ ᱯᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱯᱚᱱᱚᱛ ᱨᱮᱱᱟᱜ ᱮᱨᱤᱭᱟ ᱫᱚ ᱓,᱔᱒,᱒᱓᱙ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱖.᱑᱑% ᱢᱮᱱᱟᱜᱼᱟ ᱾
ᱱᱚᱶᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱡᱚᱭᱯᱩᱨ ᱠᱟᱱᱟ ᱾ ᱚᱛᱱᱚᱜ ᱞᱮᱠᱟᱛᱮ ᱛᱷᱚᱨ ᱨᱚᱦᱚᱲ ᱚᱛ ᱟᱨ ᱯᱟᱜᱟᱨ ᱜᱟᱰᱟ ᱞᱤᱸᱡᱤᱱ ᱠᱟᱱᱟ ᱾ ᱡᱮᱜᱮᱛ ᱨᱮᱱᱟᱜ ᱟᱹᱰᱤ ᱢᱟᱨᱮ ᱵᱩᱨᱩ ᱟᱨᱟᱵᱚᱲᱤ ᱫᱚ ᱱᱚᱸᱰᱮᱱᱟᱜ ᱢᱤᱫᱴᱟᱹᱝ ᱩᱛᱟᱹᱨ ᱵᱩᱨᱩ ᱠᱟᱱᱟ, ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱵᱷᱟᱹᱜᱤ ᱴᱷᱟᱶ ᱠᱟᱱᱟ ᱾ ᱱᱚᱸᱰᱮ ᱜᱮ ᱢᱟᱶᱴ ᱟᱵᱩ ᱟᱨ ᱡᱮᱜᱮᱛ ᱧᱩᱢᱟᱱ ᱫᱤᱞᱣᱟᱲᱟ ᱢᱩᱸᱫᱽᱨᱤ ᱢᱮᱱᱟᱜᱼᱟ ᱾ ᱥᱟᱢᱟᱝ ᱨᱟᱡᱚᱥᱛᱷᱟᱱ ᱨᱮ ᱠᱳᱞ ᱵᱤᱨ ᱢᱮᱱᱟᱜᱼᱟ ᱟᱨ ᱥᱟᱨᱤᱠᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ, ᱵᱷᱚᱨᱚᱛᱯᱩᱨ ᱥᱩᱨ ᱨᱮ ᱠᱮᱣᱞᱟᱫᱮᱣ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱜᱼᱟ ᱾
ᱱᱟᱜᱟᱢ
ᱚᱛᱱᱚᱜ
ᱠᱟᱹᱣᱰᱤ ᱟᱹᱨᱤ
ᱦᱚᱨᱰᱟᱦᱟᱨ
ᱦᱚᱲ ᱮᱞ
᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱖᱘,᱕᱔᱘,᱔᱓᱗ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱗᱕.᱑᱓% ᱦᱚᱲ ᱫᱚ ᱥᱚᱦᱚᱨ ᱵᱟᱡᱟᱨ ᱨᱮ ᱟᱨ ᱒᱔.᱘᱗% ᱦᱚᱲ ᱫᱚ ᱟᱹᱛᱩ ᱫᱤᱥᱚᱢ ᱨᱮ ᱛᱟᱦᱮᱸᱱ ᱠᱟᱱᱟ ᱾ ᱦᱚᱲ ᱵᱟᱹᱲᱛᱤᱜ ᱫᱚᱨ ᱫᱚ ᱒᱐᱐᱑ - ᱒᱐᱑᱑ ᱥᱟᱞᱮ ᱨᱮ ᱨᱟᱠᱟᱵ ᱠᱟᱛᱮ ᱒᱑.᱓᱑% ᱥᱮᱴᱮᱨ ᱟᱠᱟᱱᱟ ᱾ ᱱᱚᱸᱰᱮ ᱕᱓᱕,᱕᱕᱐,᱙᱙᱗ ᱜᱚᱴᱟᱝ ᱠᱚᱲᱟ ᱟᱨ ᱕᱒,᱙᱙᱗,᱔᱔᱐ ᱜᱚᱴᱟᱝ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱡᱟᱱᱟᱝ ᱡᱟᱹᱱᱤ ᱫᱚ ᱙᱒᱘% ᱠᱩᱲᱤ ᱢᱮᱱᱟᱜ ᱠᱚᱣᱟ ᱑᱐᱐᱐ ᱠᱚᱲᱟ ᱨᱮ ᱾[᱒]
ᱫᱷᱚᱨᱚᱢ
ᱱᱚᱸᱰᱮ ᱛᱟᱦᱮᱸᱱ ᱠᱟᱱ ᱦᱚᱲ ᱢᱩᱸᱽ ᱠᱷᱚᱱ ᱦᱤᱱᱫᱩ ᱫᱷᱚᱨᱚᱢ ᱦᱚᱲ (᱘᱘.᱔᱙%), ᱢᱩᱥᱞᱤᱢ ᱦᱚᱲ (᱙.᱐᱗%), ᱠᱤᱨᱤᱥᱛᱟᱱ ᱦᱚᱲ (᱑.᱔᱐%), ᱥᱤᱠᱷ ᱫᱷᱚᱨᱚᱢ (᱑.᱒᱗%), ᱡᱮᱭᱱ ᱫᱷᱚᱨᱚᱢ (᱐.᱙᱑%), ᱵᱩᱫᱷᱤᱥᱴ ᱫᱷᱚᱨᱚᱢ (᱐.᱐᱒%), ᱮᱴᱟᱜ ᱫᱷᱚᱨᱚᱢ (᱐.᱐᱑%) ᱦᱚᱲ ᱢᱮᱱᱟᱜ ᱠᱚᱣᱟ ᱾
ᱯᱟᱹᱨᱥᱤ
ᱱᱚᱶᱟ ᱯᱚᱱᱚᱛ ᱨᱮ ᱫᱚ ᱦᱤᱱᱫᱤ, ᱨᱟᱡᱚᱥᱛᱷᱟᱱᱤ, ᱢᱟᱨᱣᱟᱲᱤ, ᱜᱩᱡᱽᱨᱟᱴᱤ, ᱩᱨᱫᱩ, ᱯᱚᱧᱡᱟᱵᱤ ᱟᱨ ᱤᱝᱞᱤᱥ ᱯᱟᱹᱨᱥᱤ ᱛᱮ ᱠᱚ ᱨᱚᱲ ᱠᱟᱱᱟ ᱾
ᱡᱤᱞᱞᱟᱹ ᱠᱚ
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
ᱥᱚᱨᱠᱟᱨ
