ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱥᱤᱧᱚᱛ ᱨᱮᱭᱟᱜ ᱢᱤᱫ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱠᱟᱱᱟ ᱾ ᱱᱚᱣᱟ ᱫᱚ ᱫᱩᱠᱷᱤᱱ ᱥᱤᱧᱚᱛ ᱨᱮᱭᱟᱜ ᱢᱚᱦᱟᱨᱟᱥᱴᱨᱚ ᱟᱨ ᱜᱩᱡᱽᱨᱟᱴ ᱛᱟᱞᱟ ᱨᱮ ᱢᱮᱱᱟᱜᱼᱟ, ᱚᱱᱠᱟ ᱫᱚ ᱫᱟᱫᱽᱨᱟ, ᱡᱟᱦᱟᱸ ᱫᱚ ᱱᱚᱣᱟ ᱮᱞᱟᱠᱟ ᱨᱮᱭᱟᱜ ᱢᱤᱫ ᱛᱟᱞᱩᱠᱟ ᱢᱮᱱᱟᱜᱼᱟ , ᱛᱤᱱᱟᱹᱝ ᱜᱟᱱ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱫᱚ ᱜᱩᱡᱽᱨᱟᱴ ᱨᱮ ᱢᱮᱱᱟᱜ ᱢᱤᱫ ᱵᱤᱫᱮᱥᱤᱭᱟᱹ ᱵᱷᱤᱛᱟᱨ ᱮᱞᱟᱠᱟ ᱠᱟᱱᱟ ᱾ ᱥᱤᱞᱵᱷᱟᱥᱟ ᱫᱚ ᱱᱚᱣᱟ ᱮᱞᱟᱠᱟ ᱨᱮᱭᱟᱜ ᱨᱟᱡᱽᱜᱟᱲ ᱜᱮ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱫᱚᱢᱚᱱ ᱠᱷᱚᱱ ᱑᱐ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾[ ᱒]
ᱱᱚᱣᱟ ᱮᱞᱟᱠᱟ ᱨᱮᱫᱚ ᱑᱗᱗᱙ ᱫᱷᱟᱹᱵᱤᱡ ᱢᱚᱨᱚᱴᱷᱟ ᱠᱚᱣᱟᱜ ᱟᱨ ᱦᱚᱸ ᱑᱙᱕᱕ ᱫᱷᱟᱹᱵᱤᱡ ᱯᱚᱨᱛᱩᱜᱟᱞᱤᱭᱟᱹ ᱥᱟᱢᱨᱟᱡᱽᱡᱚ ᱨᱮᱭᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱥᱚᱝᱜᱷᱚ ᱫᱚ ᱥᱤᱧᱚᱛ ᱨᱮ ᱑᱑ ᱚᱜᱚᱥᱴ ᱑᱙᱖᱑ ᱨᱮᱠᱚ ᱥᱮᱞᱮᱫ ᱠᱮᱫᱼᱟ ᱾[ ᱓] [ ᱔]
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱟᱹᱛᱩ ᱮᱞᱟᱠᱟ ᱠᱟᱱᱟ, ᱡᱟᱦᱟᱸ ᱨᱮᱫᱚ ᱖᱒% ᱠᱷᱚᱱ ᱦᱚᱸ ᱵᱟᱹᱲᱛᱤ ᱟᱹᱫᱤᱢ ᱡᱟᱹᱛᱤ ᱠᱚ ᱛᱟᱦᱮᱸᱱ ᱠᱟᱱᱟ ᱾[ ᱕] [ ᱖]
ᱜᱟᱡᱟᱲ ᱵᱤᱨ ᱟᱨ ᱞᱟᱹᱠᱛᱤ ᱞᱮᱠᱟ ᱦᱚᱭ ᱦᱤᱥᱤᱫ ᱧᱮᱞ ᱠᱟᱛᱮ ᱚᱸᱰᱮ ᱴᱩᱨᱤᱥᱴ ᱴᱚᱴᱷᱟ ᱫᱚ ᱪᱮᱨᱟᱱ ᱯᱩᱭᱞᱩ ᱴᱷᱟᱶ ᱠᱚ ᱮᱢ ᱟᱠᱟᱫᱼᱟ ᱾ ᱡᱟᱹᱛᱨᱤ ᱠᱚ ᱡᱤᱨᱟᱹᱣᱜ ᱞᱟᱹᱜᱤᱫ ᱛᱮ ᱟᱹᱰᱤᱜᱟᱱ ᱦᱚᱴᱮᱞ ᱟᱨ ᱨᱮᱥᱴᱚᱨᱮᱸᱴ ᱠᱚ ᱢᱮᱱᱟᱜᱼᱟ ᱾ ᱴᱩᱨᱤᱥᱴ ᱠᱚ ᱩᱫᱽᱜᱟᱹᱣ ᱮᱢᱟ ᱠᱚ ᱞᱟᱹᱜᱤᱫ ᱛᱮ ᱡᱚᱛᱚ ᱥᱮᱨᱢᱟ ᱜᱮ ᱛᱟᱨᱯᱟ ᱯᱟᱨᱟᱵᱽ, ᱠᱩᱲᱤᱫ ᱯᱟᱨᱟᱵᱽ ᱟᱨ ᱡᱮᱜᱮᱛ ᱴᱩᱨᱤᱥᱴ ᱢᱟᱦᱟᱸ ᱮᱢᱟᱱ ᱥᱟᱯᱲᱟᱣ ᱨᱮᱜᱮ ᱠᱚ ᱫᱚᱦᱚᱭᱟ ᱾ [ ᱓]
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱜᱟᱺᱦᱤᱨ ᱱᱟᱜᱟᱢ ᱫᱚ ᱨᱟᱡᱽᱯᱩᱛ ᱨᱟᱡᱟ ᱠᱚ ᱦᱚᱛᱮᱛᱮ ᱴᱚᱴᱷᱟ ᱨᱤᱱᱤᱡ ᱠᱟᱞᱤ ᱥᱚᱨᱫᱟᱨ ᱟᱜ ᱦᱟᱹᱨ ᱥᱟᱶᱛᱮ ᱮᱛᱚᱦᱚᱵᱚᱜᱼᱟ ᱾ ᱢᱚᱨᱟᱴᱷᱤ ᱠᱚᱫᱚ ᱨᱟᱡᱽᱯᱩᱛ ᱠᱚ ᱦᱟᱨᱟᱣ ᱠᱟᱛᱮ ᱑᱘ ᱟᱱᱟᱜ ᱥᱟᱭᱥᱟᱞ ᱛᱟᱞᱟᱨᱮ ᱟᱠᱚᱣᱟᱜ ᱥᱟᱥᱚᱱ ᱫᱚ ᱛᱷᱟᱯᱚᱱ ᱮᱱᱟ ᱾ ᱢᱚᱨᱟᱴᱷᱟ ᱟᱨ ᱯᱚᱨᱛᱩᱜᱟᱞᱤᱭᱟᱹ ᱛᱟᱞᱟᱨᱮ ᱟᱹᱰᱤ ᱡᱤᱞᱤᱧ ᱦᱩᱞᱥᱟᱹᱭ ᱦᱩᱭ ᱮᱱ ᱛᱟᱭᱚᱢ ᱑᱘ ᱰᱤᱥᱮᱢᱵᱚᱨ ᱑᱗᱗᱙ ᱫᱚ ᱢᱚᱨᱟᱴᱷᱟ ᱯᱮᱥᱣᱟ ᱢᱟᱫᱷᱚᱵᱽ ᱨᱟᱣ II [ ᱗] [ ᱘] ᱥᱤᱧᱚᱛ ᱥᱚᱨᱠᱟᱨ ᱱᱚᱣᱟ ᱫᱚ ᱢᱤᱫ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱞᱮᱠᱟᱛᱮᱭ ᱪᱟᱞᱟᱣ ᱟᱹᱜᱩ ᱮᱫᱼᱟ ᱾
ᱫᱟᱫᱽᱨᱟ ᱨᱤᱱᱤᱡ ᱨᱟᱡᱟ ᱴᱳᱯᱷᱟᱭᱤᱡᱚᱱ (᱑᱗᱘᱐) ᱥᱤᱧᱚᱛ ᱑᱙᱔᱗ ᱨᱮ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱯᱚᱨᱛᱩᱜᱟᱞ ᱨᱮ ᱯᱷᱩᱨᱜᱟᱹᱞ ᱥᱮᱱᱟ ᱟᱨ ᱥᱟᱶᱛᱮ ᱮᱴᱟᱜ ᱴᱚᱴᱷᱟ ᱨᱮᱠᱚ ᱵᱚᱥᱠᱚᱫ ᱟᱠᱟᱱ ᱥᱤᱧᱚᱛᱤᱭᱟᱹ ᱠᱚ ᱫᱚ ᱜᱳᱣᱟ , ᱰᱚᱢᱚᱱ, ᱰᱤᱳ, ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱟᱲᱟ ᱫᱩᱜᱽ ᱨᱮᱭᱟᱜ ᱠᱚ ᱵᱤᱪᱟᱹᱨ ᱠᱮᱫᱼᱟ ᱾ [ ᱙]
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱢᱟᱱᱪᱤᱛᱟᱹᱨ ᱱᱚᱣᱟ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱫᱚ ᱵᱟᱨᱭᱟ ᱵᱷᱮᱜᱟᱨ ᱚᱛᱱᱚᱜᱮᱛ ᱴᱚᱴᱷᱟ ᱛᱮ ᱵᱮᱱᱟᱣ ᱟᱠᱟᱱᱟ ᱼ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱾ ᱱᱚᱣᱟ ᱫᱚ ᱜᱩᱴ ᱔᱙᱑ ᱥᱠᱚᱹ ᱠᱤᱞᱚ ᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱩᱛᱚᱨᱼᱯᱩᱪᱷᱤᱢ ᱟᱨ ᱯᱩᱨᱩᱵᱽ ᱨᱮᱭᱟᱜ ᱵᱚᱞᱥᱟᱰ ᱦᱚᱱᱚᱛ ᱠᱷᱚᱱ ᱟᱨ ᱫᱩᱠᱷᱤᱱ ᱟᱨ ᱫᱩᱠᱷᱤᱱᱼᱯᱩᱨᱩᱵᱽ ᱨᱮ ᱴᱷᱟᱬᱮ ᱟᱨ ᱱᱟᱥᱤᱠ ᱫᱷᱟᱹᱵᱤᱡ ᱜᱷᱮᱨᱟᱣ ᱟᱠᱟᱱᱟ ᱾ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱵᱟᱹᱲᱛᱤ ᱵᱷᱟᱜᱽ ᱫᱚ ᱵᱩᱨᱩ ᱜᱮᱭᱟ ᱾ ᱮᱞᱟᱠᱟ ᱨᱮᱭᱟᱜ ᱛᱟᱞᱟ ᱴᱚᱴᱷᱟ ᱨᱮᱫᱚ ᱢᱟᱴ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱭᱟᱜ ᱦᱟᱥᱟ ᱫᱚ ᱟᱹᱰᱤ ᱵᱟᱹᱲᱛᱤ ᱠᱷᱚᱛᱩᱣᱟᱹ ᱜᱮᱭᱟ ᱾ ᱫᱟᱢᱚᱱ ᱜᱟᱝ ᱱᱟᱹᱭ ᱯᱩᱪᱷᱤᱢ ᱠᱟᱛᱟ ᱠᱷᱚᱱ ᱖᱔ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱜᱷᱟᱴ ᱠᱷᱚᱱ ᱚᱰᱚᱠ ᱠᱟᱛᱮ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱯᱟᱨᱚᱢ ᱮᱫ ᱛᱩᱞᱩᱡ ᱫᱟᱢᱚᱱ ᱨᱮ ᱟᱨᱚᱵᱽ ᱥᱟᱜᱚᱨ ᱥᱟᱶ ᱪᱟᱞᱟᱣ ᱠᱟᱛᱮ ᱢᱮᱥᱟᱜ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱯᱮᱭᱟ ᱥᱚᱦᱚᱫᱮᱛ ᱱᱟᱹᱭ ᱠᱚ ᱼ ᱯᱤᱨᱤ, ᱵᱚᱨᱱᱟ ᱟᱨ ᱥᱚᱠᱚᱨᱛᱚᱫᱽ ᱦᱚᱸ ᱮᱞᱟᱠᱟ ᱨᱮᱭᱟᱜ ᱫᱟᱜ ᱡᱷᱟᱨᱱᱟ ᱠᱟᱱᱟ ᱾[ ᱑᱐]
ᱥᱤᱞᱵᱷᱟᱥᱟ ᱨᱮᱭᱟᱜ ᱞᱚᱞᱚᱝ ᱟᱨ ᱡᱟᱹᱯᱩᱫ ᱨᱮᱭᱟᱜ ᱜᱨᱟᱯᱷ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱦᱚᱭᱞᱚᱝ ᱫᱚ ᱟᱡ ᱞᱟᱹᱜᱤᱫ ᱫᱚ ᱟᱹᱰᱤ ᱫᱟᱢᱟᱱ ᱜᱮᱭᱟ ᱾ ᱠᱟᱛᱟ ᱫᱷᱟᱨᱮ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱰᱮ ᱫᱚ ᱫᱚᱨᱮᱭᱟᱛ ᱦᱚᱭᱞᱚᱝ ᱢᱮᱱᱟᱜᱼᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱵᱟᱹᱲᱛᱤ ᱞᱚᱞᱚ ᱵᱩᱡᱷᱟᱹᱣᱜᱼᱟ ᱾ ᱵᱟᱹᱭᱥᱟᱹᱠ ᱵᱚᱸᱜᱟ ᱨᱮᱫᱚ ᱡᱚᱛᱚ ᱠᱷᱚᱱ ᱞᱚᱞᱚ ᱵᱩᱡᱷᱟᱹᱣᱜᱼᱟ ᱟᱨ ᱵᱟᱹᱦᱟᱹᱲᱛᱤ ᱞᱚᱞᱚᱝ ᱫᱚ ᱓᱕% ᱫᱷᱟᱹᱵᱤᱡ ᱥᱮᱴᱮᱨᱚᱜᱼᱟ ᱾ ᱡᱟᱹᱯᱤᱫ ᱫᱚ ᱫᱩᱠᱷᱤᱱ ᱯᱩᱪᱷᱤᱢ ᱢᱚᱱᱥᱩᱱ ᱦᱟᱣᱟᱭ ᱟᱹᱜᱩᱭᱟ ᱾ ᱡᱟᱹᱯᱩᱫ ᱨᱤᱛᱩ ᱫᱚ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ ᱱᱚᱰᱮ ᱫᱚ ᱥᱮᱨᱢᱟ ᱨᱮ ᱒᱐᱐ᱼ᱒᱕᱐ ᱥᱮᱢᱤ ᱡᱟᱹᱯᱩᱫ ᱦᱩᱭᱩᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱱᱚᱣᱟ ᱫᱚ ᱯᱩᱪᱷᱤᱢ ᱥᱤᱧᱚᱛ ᱨᱮᱭᱟᱜ ᱪᱮᱨᱟᱯᱩᱸᱡᱤ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱨᱟᱵᱟᱝ ᱫᱚ ᱟᱹᱰᱤ ᱥᱩᱠ ᱮ ᱮᱢᱚᱜᱼᱟ ᱟᱨ ᱞᱚᱞᱚᱝ ᱫᱚ ᱑᱔°ᱼ᱓᱐° ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ [ ᱑᱑] [ ᱑᱒]
↑ "52nd Report of the Commissioner for Linguistic Minorities in India" (PDF) . 29 ᱢᱟᱨᱪ 2016. p. 87. Archived from the original (PDF) on 25 ᱢᱮ 2017. Retrieved 15 ᱡᱟᱱᱩᱣᱟᱨᱤ 2018 .↑ http://www.dnh.nic.in , "Dadra and Nagar Haveli government website"↑ ᱓.᱐ ᱓.᱑ http://bharat.gov.in/knowindia/state_uts.php?id=33 , "History of DNH"↑ http://dnh.nic.in/leave2007.html , "Public Holidays of D&N.H."↑ "The Official Tourism Website of Department of Tourism, U.T of Dadra & Nagar Haveli, Silvassa - People of Dadra and Nagar Haveli" . Archived from the original on 2012-11-19. Retrieved 25 ᱯᱷᱮᱵᱽᱨᱩᱣᱟᱨᱤ 2012 .↑ "Visitors guide for Daman, Diu, Dadra and Nagar Haveli" (PDF) . "Government of D&N.H and Daman & Diu". p. 20. Retrieved 24 ᱯᱷᱮᱵᱽᱨᱩᱣᱟᱨᱤ 2012 .↑ Mehta, J. L. Advanced study in the history of modern India 1707-1813
↑ " . Retrieved 25 ᱯᱷᱮᱵᱽᱨᱩᱣᱟᱨᱤ 2012 .↑ P S Lele, Dadra and Nagar Haveli: past and present, Published by Usha P. Lele, 1987,
↑ "Dadra and Nagar Haveli - Land, Climate and transport" . Retrieved 12 ᱡᱩᱱ 2012 .↑ "Silvassa | Climate" . Archived from the original on 2012-06-14. Retrieved 12 ᱡᱩᱱ 2012 .↑ "SILVASSA Weather, Silvassa Weather Forecast, Temperature, Festivals, Best Season:" . tourism . Retrieved 13 ᱡᱩᱱ 2012 .
.jpg)
