| ہرچرن گریوال |
|---|
| مقامی نام | ہرچرن گریوال |
|---|
| پیدائشی نام | ہرچرن سنگھ گریوال |
|---|
| پیدائش | 1934/35[۱]جودھاں منصوراں، لائلپور ضلع، برطانوی پنجاب |
|---|
| تعلق | لدھیانہ |
|---|
| وفات | مئی ۶, ۱,۹۹۰( 1990-05-06) (عمر Error: Need valid year, month, day سال)لدھیانہ، پنجاب |
|---|
| اصناف | لوک-گیت، دوگانے |
|---|
| پیشے | گلوکار |
|---|
| سالہائے فعالیت | انجان–1990 |
|---|
| ریکارڈ لیبل | ایچّ۔ایمّ۔وی۔ |
|---|
ہرچرن گریوال (1934/35–6 مئی 1990) اک اُگھا پنجابی گلوکار سی۔[۱][۲]
[۳] ایہہ اپنے سولو اتے دوگانیاں لئی جانیاں جاندا اے جنھاں وچ طوطا پی گیا بلھاں دی لالی، اتے دوگانیاں وچ سریندر کور نال گائے میں وی جٹّ لدھیانے دا، لکّ ہلے مجاجن جاندی دا، ادھی رات تک میں پڑھدی، بوتا ہولی تور مترا، سیما نال گایا متراں دے ٹیوبویل تے اتے نرندر بیبا نال گایا اوڑا آڑا ایڑی شامل ہن۔ لکّ ہلے مجاجن جاندی دا اندرجیت حسنپوری نے لکھیا اتے ایہہ گیت 1968 وچ ریکارڈ ہویا۔ سریندر کور، سریندر سیما اتے نرندر بیبا توں بناں اسنے سورن لتا اتے رجندر راجن نال وی گایا۔ پنجاب دے کئی گلوکار پہلاں-پہلاں سازندیاں وجوں گریوال نال سٹیجاں تے جاندے راے سن جنھاں وچ کلدیپ مانک دا ناں وی شامل اے۔
زندگی اتے گائکی
گریوال دا جم 1934/35 وچ لائلپور ضلعے دے پنڈ جودھاں منصوراں وچ برطانوی پنجاب وچ ہویا۔ 1947 وچ پنجاب دی ونڈ توں بعد اسدے وڈیرے لدھیانے دے نیڑے آ وسے اتے اتھے وی اوہناں پنڈ دا نام جودھاں منصوراں رکھ لیا۔[۱]
گریوال نے اپنے کالج ویلے وی کدے گایا نہیں سی۔ پھر لال چند یملا جٹ نوں گاؤندا سن کے گاؤن وچ دلچسپی پیدا ہوئی اتے جسونت بھنورا توں سنگیت دی سکھیا لئی۔ پہلاں-پہلاں اسنے اکلے ہی گایا اتے بعد وچ سریندر کور، سیما، نرندر بیبا، سورن لتا وغیرہ نال دوگانے وی گائے۔
حوالے
