کمالیہ (Kamalia)، پنجاب، پاکستان دے ٹوبھا ٹیک سنگھ ضلعے دا اکّ شہر اے۔ ایہ کمالیہ تحصیل دا انتظامی مرکز اے۔ [۳] ایہ آبادی پکھوں پاکستان دا 42واں سبھ توں وڈا شہر اے تے ناݪدے شہراں جِداں کہ رجاݨا، چیچاوطنی تے پیرمحل دے مقابلے وچ ودھ آبادی اے۔
کمالیے دے جنوب وچ راوی دریا تے چیچا وطنی، مغرب وچ پیرمحل، شمال وچ رجاݨا تے ماموں کانجݨ تے مشرق وچ ہڑپا تے ساہیوال اے۔
M-3 موٹروے سیکشن شورکوٹ تے لہور ناݪ کمالیہ نوں جوڑدا اے۔ [۴]
کمالیہ شہر راوی کنڈھے وسدا تاریخی شہر اے۔ تاریخ دَسدی اے کہ ایہ قصبہ سکندر دے ویلے توں پہلاں دا وسیا اے۔ کمالیہ تے ساندل بار دے آݪے دوآݪے وڈی گݨتی وچ وسدے کھرل قبیلے دے مُکھی، اک پرمکھ شخصیت کمال خاں دے نام اُتے ایہدا نام کوٹ کمال رکھیا گیا، جو بعد وچ کوٹ کمالیہ فیر کمالیہ ہوگیا۔