La lenga autoctòna es l'occitan lengadocian roergàs.
Istòria
Lo districte del Grand Rodés se creèt lo 25 d'aost de 1964, puèi se mudèt en comunautat d'aglomeracion en decembre de 1999 [3],[1].
Lo conselh de comunautat decidiguèt d'abandonar en 2015 l'anciana denominacion « comunautat d'aglomeracion del Grand Rodés » per una pas tan pesuga : « Rodés Aglomeracion ».
L'intercomunalitat se creèt un conselh de desvolopament en febrièr de 2001, amassada consultativa de 70 sòcis que representan l'ensemble de la societat civila e qu'a per visada de soscar al projècte d'aglomeracion.
Lo 1èr de genièr de 2014, las comunas de La Barraca de Fraisse, Manhac e Cambolaset, de la comunautat de comunas del País Barraquièr, abandonan aquela comunautat en la metent en perilh financièr e dintran dins la comunautat d'aglomeracion[4], puèi fan enrè lo 1èr de genièr de 2016 [5].
En seguida de la fusion de Druèla e de Balsac lo 1èr de genièr de 2017, l'ensemble de la comuna novèla de Druèla e Balsac dintra dins l'intercomunalitat[6].
↑« Arrestat prefectoral n°99-2421 del 20 de decembre de 1999 que decidís de la transformacion del districte del Grand Rodés en comunautat d'aglomeracion », visat a l'arrestat prefectoral n°2013112-0012 que pòrta espandiment del périmètre de la communauté d'agglomération du Grand Rodez
