Ptolemèu III Filopator (en grèc ancian: Πτολεμαίος Φιλοπάτωρ, Ptolemaîos Philopátôr, « Ptolemèu qu'aima son paire »), nascut vèrs -244 e mòrt en -204 foguèt lo quatren rei lagida d'Egipte de -222 a sa mòrt. Ptolemèu V li succediguèt.
Règne
Ptolemèu regnèt d'en primièr amb de regents, Sosibios e Agatocles. En 219 esclatèt la quatrena guèrra de Siria (219-217 abC) contra lo rei seleucidaAntiòc III e que s'acabèt amb la victòria de Rafia en març de 217, que permetèt als lagidas de prene lo sud de Siria[1].
En Egipte nauta, en 205 abC, comencèt una revòlta egipciana menada per Harmakhis e Ankhmakis[1]. Los reis d'Alexàndria poguèron sonque en 184 eliminar aquela secession. Aquò foguèt emmelit per una ataca del rei de Meròe, Argamènes[1].
