Ptolemèu III Evergèt (en grèc ancian: Πτολεμαίος Εὐεργέτης, Ptolemaîos Evergétês, « Ptolemèu Benfachor »), nascut vèrs -280 e mòrt en -222 foguèt lo tresen rei lagida d'Egipte de -246 a sa mòrt. Ptolemèu IV li succediguèt.
Règne
Ptolemèu èra un filh de Ptolemèu II. En -246, quand montèt sus lo tròn, lo rei seleucidaAntiòc II moriguèt. Aquel aviá maridat Berenice Sira, sòrre de Ptolemèu, en -252. Una crisa dinastica, que los detalhs demòran escurs, esclatèt a Antiòquia. Berenice ensagèt de far son filh rei, çò qu'empaichèt Laodice Ièra, primièra femna d'Antiòc II. La tresena guèrra de Siria (246-241 abC) comencèt. Ptolemèu envasiguèt lo territòri seleucida e atenguèt Eufrates, mas Selèuc II, lo nòu rei, poguèt lo rebutar[1]. En -233, los lagidas perdèron Damasc que venguèt seleucida[1].
