Musèu de Sant Ramon

Bastiment del Musèu de Sant Ramon

Lo Musèu de Sant Ramon es installat dins un ancian collègi universitari de Sant Ramon del sègle XVI^[1] qu'es vesin amb la Basilica de Sant Sarnin. Lo Musèu de Sant Ramon o Musèu dels Antics de Tolosa tornèt dubrir al public lo 8 de mai de 1999, aprèp mai de quatre ans de renovacion. Pendent aquela, una partida de l'anciana necropòli paleocrestiana dels sègles IV e V foguèt scenagrafiada.

Istoric

Dintrada del Musèu de Sant Ramon

• En 1852 e 1853, sol aquel edifici de l'ensemble del collègi escapèt als demoliments.
• 1870 e 1871, lo bastit foguèt restaurat per Eugène Viollet-le-Duc^[2].
• Venguèt musèu en 1891 e 1892; tornèt èsser prigondament organizat per Emili Cartalhac^[3] que ne prenguèt la direccion en 1912. Lo bastiment tornèt èsser agençat de 1946 a 1950. Aviá eretat, tot ne los enriquissent del celèbre Musèu dels Antics de Tolosa, creat dins la primièra mitat del sègle XIX als Agustins.
• Dins los ans 1950 e 1960, foguèt consacrat unicament a l'art e a l'arqueologia de l'Antiquitat.
• Lo bastiment foguèt classat monument istoric en 1975^[4].
• Se fixèt lo periòde istoric ont son enclusits totes los objèctes que consèrva: dempuèi lo debut de l'Edat dels Metals (2000 ans ab. -C.) fins al sègle VIII.

Colleccions

Se pòt i descobrir una colleccion de sarcofags. A l'estatge se trapa diferents objèctes de l'epòca dels Vòlcas Tectosages, dels Visigòts e del periòde galloroman. Una colleccion de bustes romans descobèrts dins las roïnas de la Vilá romana de Chiragan de Martras Tolosana es tanben expausada.

• 
• 
  Estatua antropomòrfa
• 
  Forn de calç jol musèu
• 
  Bustes romans de Chiragan dins lo Musèu de Sant Ramon
• 
  Placidia

Nòtas e referéncias

1. foguèt un «luòc d'albergament pels estudiants venguts de diferentas regions per estudiar a Tolosa lo drech, la teologia, la medecina» [1]site del musèu
2. Mérimée PA00094508}}
3. (fr)Le Muséum de Toulouse et l'invention de la préhistoire, 2010 ISBN 978-2-906702-18-9
4. id "Mérimée"

Ligams extèrnes

• (fr) Site oficial del Musèu de Sant Ramon
• (fr) Istòria de la Tolosa romana, colleccions del musèu