A l'extrèm nòrd-oèst de la region de Ligúria se tròba un tròç d'Occitània: dins l'auta Val de Ròia, i a qualques localitats que parlan lo roiasc e que se declaran coma "comunas de lenga occitana", segon la lei italiana nº 482 de 1999 sus las minoritats lingüisticas.
Geografia
Amb 5 421 km2, Ligúria es la tresena region pus pichona d'Itàlia, après la Val d'Aosta e Molise. Mas sos 298 abitants per km2 ne fan tanben la tresena region plus densament poblada, après Lombardia e Campània.
La còsta es rocosa e los relèus marcats. La vila portuària de Gènoa, situada al centre, domina demograficament la region, amb mai de 600 000 abitants. Fòra la vila, se destrian abitualament dos regions costièras : la riviera di levante a l'èst, e la riviera di ponente a l'oèst. Per las còstas se trapan las autras vilas de talha pus modesta : La Spezia arriba en segonda posicion amb mens de 100 000 abitants.
.svg){kind=small}
.svg){kind=small}
