Noms deus reis de la purmèra dinastia desempuish Meni dinc a Qaa sus la Lista Reiau d'Abidòs
La Ièra dinastia egipciana que comença dab l'unificacion d'Egipte arron de la conquesta deu nòrd (qu'ei a díser de Hauta Egipte) peu sud (Baisha Egipte). Aquesta hèita qu'ei atribuida au rei semilegendari de Hauta Egipte : Narmer (segon l'interpretacion mei acceptada de la Paleta de Narmer) o Meni (segon d'autas honts istoriograficas anticas).
La capitau de la Ièra (e parciaument de la IIau dinastia) qu'èra Tinis, çò qui hè que son qualificadas de dinastias tinitas.
Durant la purmèra dinastia, Egipte, que s'organiza administrativament.
Los reis de la purmera dinastia que son generaument considerats com se seguint atau :
Com dens lo cas de las autas dinastias egipcianas, la division en dinastia qu'ei en partida arbitrària e adoptada per tradicion a la seguida de Maneton qui viscó mantuns sègles arron. A maugrat de la prosperitat e deu desvolopament observat per la riquessa deu mobilièr dens las tombas deus sons reis e deus membres de la loa cort, cèrtes testimoniatges (noms desfaçats) que pòden suggerir rupturas au dehens d'aquesta dinastia mentre que, au contre, la succession de Qaa e's he dilhèu en continuitat (a despart d'un desplaçament deu poder desempuish Tinis entà Menfis).
Los reis d'aquesta dinastia que hon sepelits dens la necropòli de Umm el-Qa'ab a Abidòs (emplaçament probable alavetz de la ciutat de Tinis).
