De sa creacion en 2000 a novembre de 2010, l'establiment recebèt la denominacion de Comunautat d'Aglomeracion del País de Montalban e de las Tres Aigas, estant las tres aigas en question Tarn, Tescon e Avairon[3]. Lo 8 de novembre de 2010, l'apellacion foguèt modificada e venguèt Comunautat d'aglomeracion del Grand Montalban[4].
La comunautat d'aglomeracion es accionària, per 32 % del capital, de la societat publica locala d'adobament (SPLA) « Montalban 3 Aigas Adobament » (M3RA), ambe dos sètis al conselh d'administracion, estant la rèsta del capital (68 %) detenguda per la comuna de Montalban, ambe cinc sètis al conselh d'administracion[5],[6],[7]. M3RA prenguèt la succession, lo 19 de junh de 2009, de la « Societat d'economia mixta per l'adobament e l'espandiment de Montalban » (SEMAEM), qu'existissiá dempuèi lo 24 de novembre de 1984[5].
Dempuèi lo 1èr de genièr de 2017, en aplicacion de la lei NOTRe, Reinièrs fa partida del Grand Montalban.
