Bornoncle[1] (Bournoncle-Saint-Pierre en francés) z-es una comuna auvernhassa situada dins lo departament del Naut Léger e la region d'Auvèrnhe Ròse Aups, ancianament d'Auvèrnhe.
Las fòrmas ancianas son : In vicaria Brivatensi, in villa quae dicitur Burnunculo en 976, La maisos de Burnunc alh secle XIII, Domus Bornhoncle en 1262, Parochia de Borloncro Sancti Petri en 1282, Bourlloncle en 1379, Saint-Pierre de Bourbonloncle en 1398, Bourc-l'Oncle-Saint-Pierre en 1401, Borloncle en 1429, La chastellenie de Bourloncle-Saint-Pierre pour le prieur de Sauxillanges en 1511 [2]. La prononciacion aproximativa z-es [buɾ'nunklə san 'pjɛɾə] a Mercuèr [3].
Bornoncle seriá una fòrma diminutiva de *Bornon, derivat d'un « prelatin » *Born, « fònt » segon Dauzat.[4] Xavier Delamarre fai pasmens delhs diferents Bòrns un celtic *burnon, « los bens de Burnos »,[5] e, malgrat l'atestacion, los Féniés imaginan que Bornoncle ven de burdunculus, « petit muòle », vengut nom de persona. [6]
A la Ròcha, i a las roeinas d'un chastèu que tresplomba lo vialatge.La Las fòrmas ancianas son : Illa Roca en 983, Castrum de Ruppe prope Brivatam en 1291, La Roche près Borloncle en 1511, La Roche Chabreughol en 1606, La Roche-Vernassal en 1742 [7]. Lo nom vendriá d'un mot prelatin *rocca que designèt una montanha o un simple suquet rochós, pueis lo chastèu fòrt bastit dessús, pueis de còps que i a un chastèu fòrt [8].
En 1789, Bornoncle fasiá partida de la província d'Auvernhe, de l'eleccion e subdelegacion de Briude e delh presidiau de Riam. Sa gleisa parochala, diocèsi de Sant Flor e archipreirat de Briude, èra dedicada a Sant Pèire [2].