«One for My Baby (and One More for the Road)» er ein popsong skriven av Harold Arlen og Johnny Mercer for filmmusikalen The Sky's the Limit (1943) og først framført av Fred Astaire. Han vart popularisert av Frank Sinatra.
Harold Arlen skildra songen som «nok ein typisk Arlen-bendelorm» - ein «bendelorm» eller «tapeworm» var handelsslang for alle songar som gjekk over den vanlege 32-taktslengda. Han kalla det «ein vandringssong. Tekstforfattaren Johnny Mercer tok songen og skreiv han akkurat slik han fall. Ikkje berre er han lang - 48 taktar - men han endrar òg toneart. Johnny fekk det til å fungere.»[1] I følgje biografen til Arlen, Edward Jablonski, er songen «musikalsk uungåeleg, rytmisk pågåande og har ei stemning av metropolitansk melankolsk venleik som forfattaren John O'Hara finn i all av musikken til Arlen»[1]
Sinatra spelte inn songen fleire gonger gjennom karrieren sin: I 1947 med Columbia Records, i 1954 for filmmusikkalbumet Young at Heart, i 1958 for Frank Sinatra Sings for Only the Lonely, i 1962 for Sinatra & Sextet: Live in Paris, i 1966 for Sinatra at the Sands og til slutt i 1993 for Duets.
Innspelingar
Det er gjort mange innspelingar av «One for My Baby...»:
I film og fjernsyn
- Jane Russell syng han, kledd i ein metallisk selskapskjole, i Josef von Sternberg/Nicholas Ray sin film noir Macao (1952).
- «One for My Baby» var kjenningsmelodien for detektivserien Meet McGraw frå 1957-1958, med Frank Lovejoy.[5]
- I Twilight Zone-episoden «The Four of Us Are Dying», syng ei kvinne delar av melodien i ein hotell-lounge.
- Songen vart sungen av Bette Midler til Johnny Carson i det nest siste showet av The Tonight Show Starring Johnny Carson. Både Midler og Carson vart fulle av kjensler under songen. Dette gav Midler ein Emmy Award (1992) for Outstanding Individual Performance in a Variety or Music Program.[6]
- Dianne Reeves si utgåve av songen vert nytta under rulleteksten til George Clooney-filmen Good Night, and Good Luck (2005), og er gjeven ut på det offisielle albumet til filmen.
- Ei pianoutgåve av songen vert spelt i bakgrunnen under ein barscene i filmen Invincible (2006).
- I filmen Road House (1948), med Richard Widmark, Ida Lupino og Cornel Wilde, spelar Lupino ein saloon-pianist. Songen ho song, eller talte fram, var «One for my baby and one more for the road».
- I Vincent Price-filmen The Abominable Dr. Phibes (1971) vart songen (sungen av Scott Peters) «framført» av «Dr. Phibes' Clockwork Wizards».
- Mary syng ein acappella versjon til Lou som ei prøvespeling for talentshowet på The Mary Tyler Moore Show.
- I Stephen King-versjonen av The Shining (1997) vert songen spelt i ein barscene mot slutten av filmen. Songen kjem frå ein jukebox og artisten er ukjend.
Kjelder
