MarMoussa (arabisk مار موسى, òg skrive Mar-Moussa) er ein by i Libanon i Matn distrikt i Libanonfjella guvernement. Han ligg 25 km frå Beirut i ei høgd mellom 900 og 1150 meter over havet.
Historie
I 1753 bygde ei gruppe libanesiske munkar klosteret Mar Moussa Al-Habshi over ruinane av ein eldre heilagdom. I seinare år slo familiar frå Jbail, Chbaniyé og Bikfaya seg ned i området, der dei vart tilsett for å dyrke landområda til klosteret. Gradvis voks samfunnet til ein landsby kalla Mar Moussa Ed-Douar. Med støtte frå regjeringa i 1950-åra, klarte bøndene å overta jorda og utvide landsbyen. Sidan den gong er det bygd mange villaer og hus i området rundt, som er dekt av furuskog. Det mest markante landemerket i landsbyen er klosteret og vindmølla.
Innbyggjarane i MarMoussa er følgjarar av Den maronittisk-katolske kyrkja.
Kjelder
|
|---|
|
| Byar og landsbyar | |
|---|
| Landemerke | |
|---|
| Turistmål | |
|---|
