Live 8 var ein serie med konsertar som blei arrangert i juli2005 i G8-landa. Ni konsertar fann stad samstundes den 2. juli, blant anna i London, Paris, Berlin, Roma og Philadelphia (USA). a-ha var det einaste norske bandet som deltok. Dei spelte på konserten i Berlin. Konsertane blei direkteoverført på fjernsyn over heile verda.
Konsertane blei arrangert rett før det 31. G8-toppmøtet, som blei halde på Gleneagles Hotel i Perthshire, Skottland i juli 2005. Arrangementet blei også arrangert på 20-årsdagen for Live Aid. Målet med konsertane var å overbevise dei mektigaste leiarane i verda om at dei skulle gjelda u-landa hadde til den rike verda, auke og forbetre bistanden og forhandla fram meir «rettferdige» reglar for internasjonal handel for å gjere slutt på svelt og fattigdom i den tredje verda. Det pågjekk ei underskriftskampanje samtidig med konsertane og underskriftene blei levert til dei åtte leiarane for G8.
7. november2005 blei det utgjeve ein DVD med opptak frå konsertane i tillegg til ekstramateriell.
