«Let 'Em In» er ein song av Wings frå 1976 på albumet Wings at the Speed of Sound. Han vart skriven og sungen av Paul McCartney og nådde andreplassen i Storbritannia og tredjeplassen på poplista i USA, medan han gjekk heilt til topps på easy listening-lista.[1][2][3] I Canada nådde songen tredjeplassen. Singelen selde til gullplate i USA for over ein million selde eksemplar.[4] Songen finst òg på samlealbumet til McCartney frå 1987, All the Best!. Ein demoversjon av songen, med Denny Laine på solovokal, vart gjeven ut som bonusspor på seinare utgåver av Wings at the Speed of Sound.
Songen byrjar med ein vibrafon, som spelr dei første åtte tonane frå Westminster Quarters, før rytmen byrjar. Teksten nemner fleire kjende folk, i tillegg til tanta til McCartney, in, og broren hans Michael og broren til Linda McCartney John. Phil og Don Everly (kjende som Everly Brothers) er nemnt i lag med Martin Luther.[5] Uncle Ernie er nemnd, som var rollefiguren Ringo Starr song i London Symphony Orchestra sin versjon av The Who sitt Tommy.[6] «Let 'Em In» har ein falsk uttoning.
Utgjeving
Songen kom ut på ein 7" singel verda over, utanom i Frankrike der han kom på ein 12", der begge sidene var merkte «Special Disco Mix».[7]
Songen vart spelt i 1977 av Billy Paul, som i namnelista nemnde ei rekkje kjende afroamerikanske personar som Malcolm X og Louis Armstrong. Denne versjonen nådde 26. plassen på den britiske singellita.[5]
