Katerine Duska

Katerine Duska
Fødd	6. november 1989 (34 år)
Fødestad	Montreal
Fødenamn	gresk Κατερίνα Ντούσκα
Opphav	Hellas
Aktiv	2014–
Sjanger	indiepop, soul
Instrument	vokal
Stemmetype	mezzosopran
Plateselskap	Minos EMI
Verka som	songar, låtskrivar, musikkprodusent

Katerine Duska (fødd 6. november 1989 i Montreal i Canada) er ein gresk-kanadisk songar og låtskrivar. Duska representerte Hellas i Eurovision Song Contest 2019 med låten «Better Love».^[1]

Biografi

Duska er fødd og oppvaksen i Montréal i Canada, men bur no i Athen i Hellas.^[2]

Duska fekk sitt musikalske gjennombrot med singelen «One in a Million» og ein coverversjon av «Do I Wanna Know» av Arctic Monkeys i 2014 . Årsskiftet 2015–2016 slapp ho debutalbumet, Embodiment.^[3] Sidan då har ho samarbeidd og opptredd med artistar som LP, Albin Lee Meldau, Tom Baxter, Yasmine Hamdan, Oddisee og Kadebostany. Ho har òg opptredd på scenar, konserthus og festivalar over heile Europa, blant dei: The O2 Academy, Rockwave Festival, SNFCC, Megaron Concert Hall og Sofarsounds/Amnesty International sin internasjonale festival Give a Home.^[4]

I 2018 opptredde Duska under ein konsert i Konsertsalen i Athen, der ho framførte songar frå albumet sitt – songar komponerte av den svenske låtskriveran Albin Lee Meldau.^[3] I september 2018 heldt dei to ein konsert saman i Palace Garden i Athen.^[5] I desember 2018 heldt ho konsert saman med den greske musikaren Petros Klampanis.^[6]

I februar 2019 vedtok den greske kringkastaren ERT at Duska skulle representere Hellas i Eurovision Song Contest 2019 i Tel Aviv i Israel. Songen «Better Love» vart offentleggjord 6. mars 2019.^[1] Duska enda på 21. plass i finalen med 74 poeng.^[7]

Diskografi

Studioalbum

Tittel	Albumdetaljar	Høgaste plassering
		HEL [8]
Embodiment	Utgjeve: 4. desember 2015 Merke: Minos EMI Format: CD, digital nedlastning	—

Singlar

Tittel	År	Høgaste plassering		Album
		HEL [8]	HEL Digital [9]
«One in a Million»	2014	—	—	Embodiment
«Won't Leave»	2015	—	—	Embodiment
«Fire Away»	2018	—	—	Embodiment
«Better Love»	2019	18	4	ikkje kjend

Referansar

1. «This is Katerine Duska's 'Better Love' Eurovision entry for Greece». Henta 13. april 2019. 
2. «Katerine Duska - Athens - September 14 - Kathimerini». Henta 15. februar 2019. 
3. «Katerine Duska: Θέλω να εξελίσσομαι καλλιτεχνικά και να ταξιδεύει η μουσική μου». 6. september 2018. Henta 15. februar 2019. 
4. «Katerine Duska will be singing for Greece in Tel Aviv». EBU. 14. februar 2019. Henta 15. februar 2019. 
5. «Η Katerine Duska & ο Albin Lee Meldau στον Κήπο του Μεγάρου». 12. juli 2018. Henta 15. februar 2019. 
6. «Petros Klampanis - Athens - December 30 - Kathimerini». Henta 15. februar 2019. 
7. «Grand Final of Tel Aviv 2019». EBU. mai 2019. Henta 26. mai 2019. 
8. «Official IFPI Charts Top-75 Albums Sales Chart». IFPI Greece. Henta 14. februar 2019. 
9. «Charts». Henta 13. april 2019. 

• Denne artikkelen bygger på «Katerine Duska» frå Wikipedia på bokmål, den 18. november 2021.