Kamensk-Sjakhtinskij (russisk Ка́менск-Ша́хтинский) er ein by i Rostov oblast i Russland med om lag 95 000 innbyggjarar (2007). Han ligg ved elva Donets, rundt 130 km nord-nordaust for Rostov-na-Donu.
Han vart grunnlagt av kosakkar i 1686 og fekk bystatus i 1927.
Byen var tidlegare eit større kolgruvesenter i den austlege delen av Donetsbekkenet. I dag er dei viktigaste næringane i byen produksjon av kunstfiber, gruvemaskineri og glas.
