Jerusalem guvernement (arabisk محافظة القدس}} Muḥāfaẓat al-Quds; hebraisk נפת אל קודס Nafat al-Quds) er ein av 16 guvernement i Palestina og ligg sentralt på Vestbreidda. Guvernementet har to underdistrikt: Jerusalem J1, som omfattar stadar i den israelske Jerusalem kommune (Aust-Jerusalem), og Jerusalem J2, som omfattar resten av Jerusalem guvernement.[1] Distriktshovudstaden i guvernementet er Jerusalem (al-Quds).
Jerusalem guvernement er delt inn underdistrikta «Jerusalem J1» og «Jerusalem J2». Jerusalem J1 består av delar av Vestbreidda som vart annektert av Israel i 1980 og inkludert i den israelske kommunen Jerusalem. Jerusalem J1 vert òg som regel kalla Aust-Jerusalem. Jerusalem J2 består av dei områda av guvernementet som ikkje er med i J1.[1]
Inndeling etter underdistrikt
Jerusalem J1: Al’ Isawiya, Al - Quds (Gamlebyen), Ash - Shayyah, As-Sawahira Al-Gharbiya, As Suwwana, At -Tur, Ath – Thuri, Bab Al-Sahira, Beit Hanina, Beit Safafa, Jabal Al – Mukabbir, Kufr A’qab, Ras Al-Amud, Sharafat, Sheikh Jarrah, Shu’fat, Shu’fat Refugees Camp, Silwan, Sur Bahir, Um Tuba, Wadi Al - Joz
Utvida Jerusalem med israelske kommunegrenser frå det annekterte området, 1967.
Etter den arabisk-israelske krigen i 1948 vart Jerusalem delt. Vest-Jerusalem kom under israelsk styre og Aust-Jerusalem, inkludert Gamlebyen, som vart styrt av Jordan fram til 1967. I seksdagarskrigen i 1967 okkuperte Israel Vestbreidda og annekterte Aust-Jerusalem de facto.[3] Aust-Jerusalem, og andre område av Vestbreidda og Vest-Jerusalem, vart innlemma i ein kommune. I følgje ein avtale mellom PLO og Israel, kunne palestinske innbyggjarar i Aust-Jerusalem delta i val i Den palestinske sjølvstyresmakta om dei ønskte dette, i tillegg til val for Knesset, det israelske parlamentet.
.svg)
