Thomas Henry Lowther (fødd 11. juli 1941) er ein engelsk jazz-trompetist.
Lowther spelte først kornett i Frelsesarmeen. Han studerte fiolin ved Royal Academy of Music, men gjekk attende til trompet i 1960. I 1960-åra arbeidde han med Mike Westbrook[1], Manfred Mann, John Dankworth (1967–77), Graham Collier (1967), John Mayall (1968), John Warren (sidan 1968), Neil Ardley (1968) og Bob Downes (1969). Mange av desse samarbeida heldt fram inn i 1970-åra. Lowther spelte stundom med The Keef Hartley Band i denne tida.
I 1970-åra arbeidde han med Mike Gibbs (1970–76), Kenny Wheeler (frå 1972), Alan Cohen (1972), Michael Garrick (1972–73), Kurt Edelhagen (1974), John Taylor (1974), Stan Tracey (sidan 1976), Tony Coe (1976), Hawkwind (1977), Graham Collier (1976–78), Jubiaba med Barbara Thompson (1978) og Gordon Beck (1978), i tillegg til at han hadde sitt eige ensemble, Quaternity. Lowther spelte òg trompetsoloen for Elton John på «Return to Paradise» på albumet A Single Man i 1978.
Han arbeidde med Buzzcocks i 1980, Talk Talk frå 1983 til 1991, med Peter King frå 1983, og med Gil Evans i 1984. I 1986 arbeidde han med Humphrey Lyttelton i John Robichaux Orchestra for ein dokumentarfilm om Buddy Bolden. Han spelte med Charlie Watts sitt band i 1986-87, og leia så sitt eige band, Still Waters, i 1987. Frå seint i 1980-åra spelte han mykje i storband, som Berlin Contemporary Jazz Orchestra (1989–93), London Jazz Composers Orchestra (1989-96), Kenny Wheeler si gruppe (1990), The Dedication Orchestra (1994), London Jazz Orchestra (1994), George Russell's Living Time Orchestra og Creative Jazz Orchestra (1996) og i nyare tid i Jazzmoss.[2]
Diskografi
Med Elf
Med Jack Bruce
Med Collective Consciousness Society
Med Graham Collier
Med Bryan Ferry
Med the Keef Hartley Band
Med Murray Head
Med Glenn Hughes
Med John Mayall
Med Elton John
Med Van Morrison
Med Pretenders
Med Slapp Happy
Med John Surman
Med Talk Talk
Med Richard og Linda Thompson
Med Loudon Wainwright III
Med Hawkwind
Kjelder
