Earthbound er eit konsertalbum frå bandet King Crimson, som kom ut i 1972 etter at bandet som spelte inn albumet hadde vorte oppløyst. Det består av den første offisielle konsertopptaket som er gjeve ut av signatursongen deira «21st Century Schizoid Man», og ein lengre versjon av b-sida «Groon», som ikkje finst på studioalbum. Han inneheld òg eit improvisert spor med scat-synging av Boz Burrell.
Lydkvaliteten på albumet er dårleg sidan det vart spelt inn på eit kassettband (eit dårleg opptaksmedium etter standardane i 1972) av lydteknikaren Hunter MacDonald. I følgje tekst i plateomslaget til nyare CD-utgåver står det «konsertopptak på ein Ampex-sterokassett gjennom ein spesialdesigna miksar av Kelsey Morris ... i regnet frå bagasjerommet på ein Volkswagen» Atlantic Records, som var den opphavlege distributøren til King Crimson i Nord-Amerika, nekta å gje ut Earthbound på grunn av den dårlege lyden. Nyare CD-utgåver har ikkje særskild betre lyd sidan opptaket opphavleg vart gjort på ein kassett.
