Bruce Plateau er eit isdekt platå, minst 165 km langt og kring 1830 moh som strekkjer seg nordaust frå toppen av Gouldbreen og Erskinebreen til nærleiken av Flandres Bay i Graham Land. Når platået vart først sett er ikkje sikkert, men det vart truleg sett i januar 1909 av medlemmar frå Den franske antarktisekspedisjonen under Jean-Baptiste Charcot ut frå posisjonen deira i Pendleton Strait. Platået vart kartlagt frå flyfoto og frå landmålingar gjort av Falkland Islands Dependencies Survey 1946–62 og vart namngjeven av UK Antarctic Place-Names Committee etter William S. Bruce, ein skotsk polarforskar og leiaren for Den skotske antarktisekspedisjonen i 1902–04.[1]
Kjelder
Denne artikkelen inneheld stoff som er offentleg eige frå United States Geological Survey-artikkelen «Bruce Plateau» (innhald frå Geographic Names Information System).
