Albania debuterte i Junior Eurovision Song Contest i 2012 i Amsterdam, Nederland med songen «Kam një këngë vetëm për ju», framført på albansk av Igzidora Gjeta. Bidraget vart valt i den nasjonale finalen Junior Fest, arrangert av den albanske kringkastaren Radio Televizioni Shqiptar.
I 2015, etter å ha vore vekke frå tevlinga i to år, vendte Albania attende til Junior Eurovision Song Contest. Dei valde å gjennomføre ei nasjonal utveljing, og Mishela Rapo vart albansk representant i Sofia med songen «Dambaje», etter å ha vunne Festivali Mbarëkombëtar i Këngës për Fëmijë.