Winnerswohl (hoochdüütsch Winderswohlde) is en Dörp in de Gemeen Annerlingen in’n Landkreis Rodenborg, Neddersassen.
De Oort höört von öllers bi Grafel mit bi.
Winnerswohl liggt dicht bi de Twiest, de in’n Süüdoosten an’n Oort langsflütt.
De Naveröörd sünd Reith in’n Noorden, Wohlers in’n Noordoosten, Ürsdörp, Ottendörp un Kohlenhusen in’n Oosten, Viehbrook un Wens in’n Süden, Grafel un Mojenhoop in’n Süüdwesten, Ohrel in’n Westen un Fehrenbrook in’n Noordwesten.
Winnerswohl hett sik ut en enkelten Hoff utwickelt, to den denn bilütten poor mehr Hüüs tokamen sünd. De Lüüd in Winnerswohl heet to’n groten Deel all Brunkhorst.
Winnerswohl is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
En Traditschoon in Winnerswohl is dat Missionsfest, dat sied 1923 elk Johr an’n tweten oder drüdden Sünndag in’t Johr fiert warrt.
Von Winnerswohl loopt lüttjere Straten na Süüdwesten na Grafel an de Kreisstraat 109, na Noordwesten na Fehrenbrook an de K 109 un na Noordoosten na Wohlers an de K 47.
De nächste Bahnhoff is de Bahnhoff Brest-Aasp an de Bahnlien Bremerhoben–Buxthu.