Therese Rath (borene Bowman) is en Politikerin ut Belize (PUP).
Rath is as Dochter von Alice un Henry Bowman Jr. boren. Se is verheiraadt mit Anthony Brian „Tony“ Rath. Tohoop bedrievt se dat Pelican Beach Resort in Dangriga.
Rath weer Präsidentin von de Belize Audubon Society un hett in’n Opsichtsraad von dat Programme for Belize seten.
Rath weer von März 2003 bet August 2004 för de Regerungspartei PUP Maat von’n Senaat von Belize. Se is von Assad Shoman aflööst worrn, nadem se sik mit de „G7“ solidariseert harr. De „G7“ weren söven Ministers, de Said Musa opfeddert harrn, Finanzminister Ralph Fonseca ut dat Kabinett ruttosmieten, nadem Fonseca Geller ut’n Soziaalversekerungsfonds bruukt hett, üm Kredite von private Ünnernehmens aftosekern. As Musa dat nich daan hett, wullen de söven Ministers all gemeensaam jemehr Ämter afgeven.
Ehren
2002 hett se den James A. Waight Conservation Award wunnen.[1]
- ↑ Therese Rath wins Audubon award, Channel 5 Belize an’n 19. Februar 2002
