![]()
Ingang to dat Swartenhööften-Huus in Revel
Dat Swartenhööften-Huus in Revel is dat vörmolige Huus vun de „Bröder vun de Swarten Hööften“, de sik in Revel in düt Huus versammelt hefft, so lange as de in düsse Stadt tohopenkamen sünd. Düt Huus hett en mooi Portal un is boot in den Stil vun de nedderlannsche Backsteen-Renaissance ut dat 16. Johrhunnert. Unnen bi dat Parterre sünd de Wapen vun de Hansekontoren vun Brügge, Nowgorod, London un Bergen anbröcht. De Bröder hett dat in Revel vun bi 1400 af an geven bit 1940. Dormols mössen all Düütsch-Balten dat Land wegen den Hitler-Stalin Pakt verlaten. Vun dor af an sünd de Bröder in Düütschland wieter togange. De sweedschen Königen Gustav II. Adolf un Karl XII. hefft sik in düt Huus sehn laten, man ok de russischen Zaren Peter de Grote, Paul un Alexander I. sünd Ehren-Liddmaat bi de Bröder ween un hefft dat Huus besöcht. Ok de leste Ministerpräsident vun Eestland vör den Krieg, Konstantin Päts, is Ehrenbroder wurrn un hett sik in dat Broderbook inschreven.
