Río Sarstún

Laag

Guatemala, Belize

Stroomsystem

Río Sarstún

Läng

111 km

Afströömrebeed

2.303 km²

Born

in dat Municipio Chahal

Münn

bi Sarstún in de Bucht von Amatique

Koordinaten Münn:

Koordinaten:15° 54′ N, 88° 55′ W15° 54′ N, 88° 55′ W

linke Blangenströöm

Hicatee Creek

rechte Blangenströöm

Río Chocón, Río Nimblajá, Río Tubá Creek, Río Cotón, Río La Coroza

De Río Sarstún (engelsch Sarstoon River) is en 111 Kilometer langen Stroom in de Staten Guatemala un Belize. Dat Afströömrebeed bedriggt 2303 km².

Verloop

De Stroom hett sien Born in dat Municipio Chahal (Departamento Alta Verapaz, Guatemala) in de Sierra de Santa Cruz op üm un bi 300 Meter över de See. He warrt hier Río Chahal nöömt. De Stroom billt op en Afsnidd de Grenz twüschen dat Departamento Alta Verapaz un dat Departamento Izabal. Von links münnt denn de Río Chiyú un de Naam von’n Stroom ännert sik op Río Gracias a Dios. Nu is de Stroom de Grenz von dat Departamento Petén un dat Departamento Izabal.

In’n Noordwesten von Modesto Mendéz vertwiegt sik de Río Gracias a Dios in en Noord- un en Süüdarm. De Süüdarm warrt wieder Río Gracias a Dios nöömt, wieldes de Noordarm den Naam Río San Pedro oder ok Savery Branch driggt. Düsse Arm löppt toeerst na Noordoosten un dreiht in’n Süden von Quebrada Seca op Oosten. An de Grenz na Belize dreiht de Arm na Süüdoosten. Bi dat Dörp Machakilha flütt de Siedenarm mit’n Hicatee Creek tohoop, de denn na Süden flütt.

Bi Modesto Méndez fleet de Río Gracias a Dios un de Río Chocón tohoop un billt dormit den Río Sarstún. Von dor af an billt de Stroom de Grenz von de Staten Guatemala un Belize. In’n Süden von Machakilha münnt de Hicatee Creek von links in’n Río Sarstún un von rechts de Beken Río Nimblajá, Río Tubá Creek, Río Cotón un Río La Coroza. Langs den Afsnidd von Modesto Méndez bet na de Münn (üm un bi 40 Kilometer) gifft dat keen Öörd. Eerst an de Münn von’n Stroom in de Bucht von Amatique (Deel von de Karibische See) liggt dat lüttje Dörp Sarstún. Vör dat Dörp liggt de Warder Sarstoon Island. In Belize is dat Rebeed üm de Münn as Sarstoon-Temash-Natschonaalpark schuult.

Historie

As Grenzstroom von Belize kummt de Sarstoon ok in de Natschonaalhyme von Belize (Land of the Free) vör: From proud Rio Hondo to old Sarstoon (de Rio Hondo is de Grenzstroom in’n Noorden).