Mittelskark is een Gemeen in de Samtgemeen Lüh in’n Landkreis Stood. Se hett 1109 Inwahners (Stand 31. Dezember 2023).
Ole Oortsdelen von Mittelskark sünd Achterdiek, de Muddweg un dat Hogenfell.
Geografie
De Gemeen liggt in’n Olland, wat een vun de gröttsten Rebeeten för de Aaftbueree in Düütschland is, twüschen Stood un Hamborg un direktemang an de Waterkant vun de Lüh.
Historie
Verwaltungsgeschicht
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Mittelskark in’n Kanton Steenkark höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Mittelskark in’n Kanton Jörk.
De Oort hett vör 1852 de Hauptmannschop Mittelskark in dat Grevengericht Oolland billt, weer denn von 1852 bet 1885 Deel von dat Amt Jörk un von 1885 bet 1932 in’n Kreis Jörk. 1932 is dat an’n Landkreis Stood kamen.
An’n 1. Januar 1971 hett de Gemeen Mittelskark sik de Samtgemeen Lüh anslaten.
Inwahnertall
| Johr |
Inwahners
|
| 1910-12-011. Dezember 1910[1] |
817
|
| 1925-00-001925[2] |
819
|
| 1933-00-001933[2] |
772
|
| 1939-00-001939[2] |
786
|
Politik
Gemeenderoot
- Liddmaten
- 2016:
- CDU: Dirk Dehmel, Dirk Eberstein, Jan von Kroge, Jan Jacob Mohr, Axel Schuback, Joachim Streckwaldt
- SPD: Vera Bochdalofsky, Uwe Müller, Sören Schult
- Gröne: Daniela Sachs, Jürgen Sachs
Börgermeesters
- –2011: Heinrich Schlichtmann (CDU)
- 2011–31. Oktober 2016: Dieter Schilling (SPD)
- 1. November 2016–: Joachim Streckwaldt (CDU)
Wapen un Flagg
Dat Wapen von de Gemeen wiest op sülvern Grund över en grönen Schildfoot mit en sülvern Wellenlien balkenwies von een Schildrand bet na’n annern dree rode Hüüs mit Spitzgevel aver ahn Finstern. Achter dat Huus in de Midd is en roden Toorn mit flack Helm to sehn.
De Wellenlien steiht för de Lüh. De dree roden Hüüs staht för de Kaspels Neekark, Mittelskark un Steenkark. De Toorn is Symbool för de Bartholomäus-Kark.
De Flagg is baven rood un ünnen sülver un wiest in de Midd dat Wapen.
Weertschop un Infrastruktur
Verkehr
Süüdlich vun de Gemeen is de Bundsstraat 73, de Buxthu mit Stood verbinndt.
In’n Johr 2005 is dat losgahn, de A 26 no Hamborg to boen.
Ver- un Entsorgung
För dat Afwater is de Afwaterverband Oolland un Geestrand mit dat Klärwark Wetterndörp tostännig.
- ↑ http://www.gemeindeverzeichnis.de/gem1900/gem1900.htm?hannover/jork.htm
- ↑ a b c http://www.verwaltungsgeschichte.de/stade.html
Weblenken
