Dat Amt Jörk weer en Verwaltungsrebeed in Bremen-Veern un in dat Königriek Hannover mit Seet in Jörk binnen de Landdrostie Stood. Dor hett groff dat Rebeed von Oolland tohöört.
Dat Leid över dat Amt harr bet 1867 en Amtmann. In de Prüßentied na 1867 hett de eerste Beamte Amtshauptmann heten.
1852–1885
Dat Amt Jörk is bi de Verwaltungs- un Justizreform an’n 1. Oktober 1852 in dat Königriek Hannover ut dat Grevengericht Oolland un de Patrimonialgerichten Bargfreed, Francop, Hoov-Leeswig, Nincop un Rübk billt worrn. Von dat Amt Stood-Gothenborg sünd noch de Domänen Neehoff un Kochshoff un de Eilannen in de Elv an de Övers von Oolland (utbenahmen Brunshusen oder Stodersand) tokamen. Mit Verordnung von’n 28. September 1852 is ok de Stubbenhoff ut dat ole Grevengericht Bützfleet dor mit tokamen.[1] Dat Amt harr en Rebeed von 140,91 km².[2]
As Gericht för dat Amt is to’n 1. Oktober 1852 dat Amtsgericht Jörk inricht worrn.
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Stoder Maschkreis tohöört.
Na 1885
Bi de Verwaltungsreform in Prüßen to’n 1. April 1885 is dat Amt Jörk oplööst worrn un dor is de Kreis Jörk von worrn.
Inwahnertall
| Johr |
Inwahners
|
| 1867-00-001867[3] |
18.289
|
Amtlüüd
- ↑ Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
- ↑ Handbuch für die Provinz Hannover. 1870, Sied 186 [1]
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
