Disse Artikel is man blots en Stubben. Du kannst Wikipedia helpen un em verbetern.
De Geologie (ooldgr. γῆ gē̂ ‚Eer‘ un λόγος lógos ‚Lehr‘) is dor de Wetenschop vun, wie de Eerdköst upboot is, wie se sik tohopensett, wecke physikaalschen Eegenarden se hett, un wie se tostanne kamen weer un hüdigendags noch tostanne kummt. Mol af vun düsse Bedüden, de dat Woort an un for sik hett, warrt dat ok bruukt for „geoloogschen Upboo“, as bi de „Geologie vun de Alpen“.
De Begreep Geologie in’n hüdigen Sinn warrt to’n eersten Mol bruukt 1778 bi Jean-André Deluc (1727–1817). Horace-Bénédict de Saussure (1740–1799) hett den Utdruck „Geologie“ denn vun 1779 af an jummers bruukt. Vördem is de Begreep Geognosie bruukt wurrn.
Grundlagen
En Geologen kickt to’n eersten Molde Steenproven in en frischen Bohrkarn an.
Geologen befaat sik mit de Eerdköst, mit Steenaarden un mit Eerdööl un -gas (Petrogeologie). Wie de unnerscheedlichen Aarden vun Steen anordent sünd, wie se sik tohopensetten doot un ok de Struktur in dat Binnerste vun de enkelten Steen, dat gifft dor allens Henwiese up, unner wat for Umstänn se tostanne kamen sünd. De Geologe is dor tostännig for, allerhand Rohstoffe to finnen, as Metallerze un Industriemineralien, un Bostoffe, as verscheden Aarden vun Sand, Kies un Klei un dor denn for to sorgen, datt se afboot weern könnt. Anners gung dat mit de Weertschop nich vöran. Bovenhen scheert he sik um Drinkwater un Energierohstoffe, as Eerdööl, Eerdgas un Köhlen un in de jungste Tied ok um Silizium for de Solarindustrie. Tolest höört dat to siene Upgaven, datt de Bogrund unnersocht warrt, sunnerlich bi gröttere Boprojekte, so datt dor up lange Sicht for sorgt is, datt sik de Eer nich miteens setten, un dat se nich verglippen un de Grund nich breken deit.
Literatur
Toni P. Labhart: Geologie - Einführung in die Erdwissenschaften. Bern 1988, ISBN 3-444-50063-7.
Heinrich Bahlburg, Christoph Breitkreuz: Grundlagen der Geologie. 2.Uplage. Spektrum, Heidelbarg 2003, ISBN 3-8274-1394-X
Frank Press, Raymond Siever: Allgemeine Geologie. 3. Uplage. Spektrum, Heidelbarg 2003, ISBN 3-8274-0307-3 (Originalutgave: Understanding Earth. Freeman, New York)
Peter Faupl: Historische Geologie. 2. Uplage. (UTB 2149). Facultas, Wien 2003, ISBN 3-8252-2149-0
Steven M. Stanley: Historische Geologie. 2. Uplage. Spektrum, Heidelbarg 2001, ISBN 3-8274-0569-6
Helmut Hölder: Kurze Geschichte der Geologie und Paläontologie. Springer, Berlin 1989, ISBN 3-540-50659-4
Alan Cutler: Die Muschel auf dem Berg. Knaus, München 2004, ISBN 3-8135-0188-4
Dierk Henningsen, Gerhard Katzung: Einführung in die Geologie Deutschlands. 6. Uplage. Spektrum, Heidelbarg 2002, ISBN 3-8274-1360-5
Hans Murawski, Wilhelm Meyer: Geologisches Wörterbuch. Spektrum, Heidelbarg 2004, ISBN 978-3-8274-1445-8
Richard C. Selley, L. Robin M. Cocks, Ian R. Plimer (Ruutgever): Encyclopedia of geology. Elsevier Academic Press, Amsterdam u. a. O. 2005, ISBN 0-12-636380-3.
Georgius Agricola: Vom Berg- und Hüttenwesen. dtv, München 1980, ISBN 3-423-06086-7 (Dünndruckutgave).
