Christoph Bernhard Crusen (* 15. Dezember 1676 in Brinken; † 29. November 1744 in Bremen) weer en düütschen evangeelschen Theoloog.
Crusen is 1676 as Söhn von’n Pastoor Christoph Crusen (1639–1676) in Brinken boren. Later hett he Ünnerricht von sien Steefvader kregen, de ok Pastoor weer. Von 1686 af an weer he op de Doomschool Bremen un is 1690 an dat Athenaeum Bremen gahn. 1693 hett he sik för en Studium von de Theologie an de Universität Rostock inschreven[1] un is 1695 an de Universität Helmstidde wesselt. 1697 weer he in Holland un denn Hoffmeester (Huuslehrer) in England. 1698 is he Sekretär von’n Gesandten von dat Kurförstendom Bruunswiek-Lümborg in London worrn. Von 1703 af an weer he Pastoor, toeerst in dat Damenstift Klooster Medingen, un is 1710 as Supperndent na Dannenbarg ropen worrn. 1724 hett em König Georg I. von Hannover to’n Generalsupperndent von de Generaldiözees Horborg maakt. 1725 is he as Nafolger von Gerhard Meier Supperndent an’n Bremer Doom worrn. He is 1744 na en Slaganfall doodbleven, den he op de Kanzel kregen hett. Sien Graff is tohoop mit dat von siene Fro in dat nöördliche Dwarsschipp in’n Bremer Doom.
Crusen hett 1705 Sophie Gertrud Riecke (21. Juni 1687–5. März 1743; Dochter von Levin David Riecke) freet.
Warken
Crusen hett en Reeg theoloogsche un biograafsche Schriften schreven un ok Stücker wat Breven mit Gottfried Wilhelm Leibniz wesselt.
Literatur
- ↑ Immatrikulatschon von Crusen in dat Rostocker Matrikelportal
